Rewşa perwerdeyê li Tebqayê bû mijara panelê

TEBQA

Hejmarek ji rewşenbîr û xebatkarên perwerde û fêrkirinê yên Tebqayê beşdarî panelê bûn. 

Panel bi deqeyek rêzgirtin li ser giyana şehîdan destpê kir. Paşê endamê Yekîtiya Mamosteyan Hesen El-Hac axivî û behsa avakirina Yekîtiya Mamosteyan ku hejmara mamosteyan hezar û 900 derbas kiriye kir. Her wiha destnîşan kir ku yekîtiyê hewl da xizmet û hêviyên mamosteyan peyda bike û hîna jî hewldanên xwe di vî warî de didomîn. Hesen anî ziman ku yekîtiyê di warê tenduristiyê de bi mamosteyan re bûya alîkar û lêçûnên wê didin.

Ji aliyê xwe ve endama rêveber a Buroya Birêxistinkirina Jinan a Komîteya Perwerde û Fêrkirinê Tehenî El-Selal destnîşan kir ku buroyê alîkariya jinan di warê perwerdeyê de bi rêya teşwîqkirina wê da ku cihê xwe ya rastin di civakê de bigire.

Her wiha hevserokê Rêveberiya Dibistanan ê Komîteya Perwerde û Fêrkirinê yê Tebqayê Ehmed El-Ebo bal kişand ser gavên mezin ên ku komîteyê di her du astên lojistîk û rêxistinî avêtiye kir. Her wiha diyar kir ku heta niha komîteyê zêdetirî 210 dibistan amade kiriye û derdora 65 hezar xwendekar lê perwerdeyên xwe bi çavdêriya 2 hezar mamoste dibînin.

Di dawiyê de El-Ebo teqez kir ku xebatên ji bo pêşxistina qada perwerdehiyê bi rêya amadekirina kadroyek pispor û restorekirina dibistanên ku zirar dîtine berdewam in.

Hêjayî bi bîrxistinê ye ku di hefteya borî de û piştî 7 salan cara yekê ye ku pirtûk li xwendekarên Tebqayê û gundewarê wê di çarçoveya pilansaziya komîteyê de hatin belavkirin.

(şx)

ANHA