2’yemîn konferansa Meclisa Edaleta Jinê dest pê kir

QAMIŞLO

Di çarçoveya amadekirina konferansê û piştî lidarxistina gelek civînan ji aliyê Komîteya Lihevanînê ya Dîwana Edaletê, Komîteya Lihevanînê ya Mala Jinan û Meclisa Edaleta Jinan li Cizîrê ji jinên herêmê re, da ku nêrînên xwe der barê çarçoveya edaleta civakê û parastian mafên jinan de parve bikin, îro 2’yemîn konferansa Meclisa Edaleta Jinê ya Herêma Cizîrê li Navenda Çand û Hunerê ya Aram Tîgran a bajarokê Rimêlan dest pê kir.

Jinên ku di sazî û rêxistinên civaka sivîl de kar dikin, şandeyeke ji Rêveberiya Xweser a Demokratîk, nûnerên saziyên civaka sivîl û jinan ên Bakurê Sûriyeyê û Seroka Desteya Rêveber a MSD`ê Îlham Ehmed tev li konferansê bûn.

Endama Meclisa Edaleta Jinê Aynûr Başa der barê rola jinan di pêkanîna edaletê de axivî û diyar kir ku jinan xwe îspat kir ku afirînera edaletê ne û ew ê li gorî rêgez û nirxên civakê tev bigerin da ku edaleta civakê pêk bînin û îradeya jinan di hemû saziyan de biparêzin.

Konferans bi axaftina Îlham Ehmed dewam dike.

Tê payîn axaftin ji aliyê Meclisa Malbatên Şehîdan û Kongreya Star ve werin kirin. Her wiha dê doza edalet û jinê were nîqaşkirin. Konferans wê bi daxuyaniyekê encamnameya xwe eşkere bike.

(kc)

ANHA