'Piraniya kesên ji Wargeha Beharyê hatine revandin xwedî nasnameyên Rûsî ne'

NAVENDA NÛÇEYAN

Çavdêriya Mafê Mirovan a Sûriyê ragihand ku çeteyên DAIŞ'ê di êrîşa 12'ê Cotmehê de ya li dijî Wargeha Koçberan a Beharyê 130 malbat di nav de 90 jin in revandine.

Çavdêriya Mafê Mirovan a Sûriyê ragihand ku çavkaniyê pêbawer ên Çavdêriya Mafê Mirovan a Sûriyê nûçeya dezgehên çapemeniyê yê Rûs ku dibêje ji kesên ji aliyê DAIŞ'ê ve ji Wargeha Beharayê hatine revandin nasnameyên Amerîkî hene derewandin.

Çavdêriya Mafê Mirovan a Sûriyê diyar kir ku li agahiyên ku çavkaniyê pê bawer dane, di wargehê de jin û zarok hene, piraniya wan nasnameyên Rûsî an jî yên welatên Yekitiya Sovet  û hin nasnameyên Iraqê.

Serokê Rûsya Putin roja pêncşemê di Panêla Valdaya ya bajarê Sochi hatibû lidarxistin got:" çeteyên DAIŞ'ê ji wargeha koçberan a nêzî Dêrazorê 700 kes revandine, kesên hatine revandin Ewropî ne, çeteyan hişyarî û daxwaz kirin ku heger van hişyariyan bi cih neyîne dê rojane 10 kesan îdam bikin û beriya du rojan 10 kes îdam kirin."

Berdevkê Pentagon di daxuyaniyekê de li gel ajansa VOA'yê gumanên xwe li ser van agahiyan anî ziman û got:"Ruxmî êrîş li ser wargehê hatiye, lê daxuyaniyên serokê Rûsya ku di raporên Ajansa Nûçeya a Tas a Rûsî de hatin dûbarekirin bawerî pê nin in."

Kampa Behra ango kampa Îwa li herêma Hecîn beriya niha bi demekê hate avakirin.