Şêniyên Reqayê bi merasîmekê cenazeyê Umer veşartin

Şêniyên Reqayê cenazeyê şervanê QSD‘ê Umer Îbrahîm El-Mihemed (Umer) li Goristana Şehîdan a li gund Hikûmiyê veşartin.

NÛÇE

18 cotmeh, 2018 16:46

REQA

Bi sedan şêniyên Reqayê ji bo wergirtina cenazeyê Umer ê ku li Reqayê dema li ser karê xwe bû şehîd bibû li ber çerxeriya Firûsiyê kom bûn. Şêniyan piştî wergirtina cenaze bi kerwanekî ji dehan erebeyan pêk dihat ber bi Goristana Şehîdan a li gundê Hikûmiyê ve ketin rê.

Kerwanê oxirkirinê dema gihişte gund ji aliyê dehan kesî ve di nava dirûşmeyan de hate pêşwazîkirin.

Merasîmê oxirkirinê, bi rêzgirtin û turaneke leşkerî ji aliyê şervanên QSD‘ê ve dest pê kir.

Ji fermandarên QSD‘ê Feysel Ebû Ezîz axivî û sersaxî ji malbata şehîd re xwest û soza pêkanîna xeyalên şehîdan da.

Di merasîmê de, endama Saziya Malbatên Şehîdan a Reqayê Şemsa El-Salih û Rêvebera Mala Jinê Xaliya El-Kecwan axivîn û rola şehîdan a rizgarkirina herêmê destnîşan kirin. He wiha soza parastina destkeftiyên şoreşa Bakurê Sûriyeyê dan.

Nasnameya şehîd ji aliyê rêvebera Saziya Malbatên Şehîdan Hela El-Hesen ve hate xwendin û radestî malbata şehîd hate kirin.

Girse di dirûşmeya cenazeyê şehîd spartin axê.

ANHA