Ji bo parastina çanda xwe zarokên xwe perwerde dikin

ŞEVÎN HESEN - NESRÎN ELÎ / HESEKÊ

Baxçeyê zarokan ku li Hesekê ji bo zarokên Suryanan hatiye vekirin, di fêrkirin, şarezakirin û pêşxistina karînên zarokan de roleke girîng dilîze. Rêveberiya baxçe ku ji aliyê Yekitiya Jinên Suryan ve hatiye damezirandin, ji bo pêşeroja civaka xwe jî hewl dide zarokan fêrî rêgezên xwendin û nivîsandinê bike.

Zimanê jibîrbûyî zindî dibe

Baxçe di sala 2015`an de hate vekirin. 4 mamoste li baxçe dixebitin. 2 ji wan çalakiyên vehesînê amade dikin û alîkariya zarokan dikin. Mamosteya din rêgezên bingehîn, alfabeya suryanî û çend peyvên biyanî fêrî zarokan dike. Mamosteya çaremîn jî zimanê suryanî fêrî zarokan dikin.

Baxçeyê zarokên hemû zarokên pêkhateyan heta 5 saliyê pêşwazî dike. Hejmara zarokan di baxçe de 45 e.

Têkildarî mijarê mamosteya bi navê Rîma Suryanî tekez kir ku baxçe di parastina çanda Suryanan de roleke girîng dilîze got:"Piraniya waneyên ku li baxçe tên dayîn, waneyên vehesînê ne û di hefteyê de 3 wane li ser zimanê suryanî têne dayîn." 

Di dawiyê de Rîma diyar kir ku armanca vekirina baxçe, fêrkirina rêgezên bingehîn ên jiyanê û xwendin û nivîsandinê ye.

(şx)

ANHA