‘Li Gever û Tendûrekê 6 leşkerên Tirk hatin kuştin’

NAVENDA NÛÇEYAN

Navenda Ragihandin û Çapemeniyê ya HPG’ê diyar kir ku hêzên wan li Gever û Tendûrekê li artêşa Tirk dane û 6 leşker kuştine. HPG’ê diyar kir ku li Çewlikê jî 4 gerîla şehîd bûne.

Daxuyaniya li ser malpera HPG’ê ya fermî wisa ye:

 “Di 24’ê Îlonê de saet di 10.20’an de hêzên me yên YJA-Starê di çarçoveya Pêngava Şoreşger a Şehîd Pîroz û Şehîd Agirî de li dijî artêşa Tirk a dagirker ya li Girê Elîşêr ê Gevera Colemêrgê çalakiyek li dar xistin. Di vê çalakiyê de 2 çeper hatine rûxandin û bi qasî ku hatiye tespîtkirin 4 leşkerên dijmin jî hatine kuştin. Piştî çalakiyê artêşa Tirk a dagirker bi obus û hawanan li qada çalakiyê dane.

Di çarçoveya Pêngava Serfiraziya Şoreşgerî ya ku li Eyaleta Serhedê hatiye destpêkirin di 24’ê Îlonê de li dijî yekîneyeke artêşa Tirk a ku ewlehiya qereqola Sariksû ya qada Tendûreka Agiriyê pêk dianî, hêzên me çalakiyek lidarxistin. Di vê çalakiyê de 2 leşkerên dijmin hatine kuştin.

Di 13’ê Îlonê de nîvro artêşa Tirk a dagirker li qada gundê Aşagi yê Çewlikê bi alîkariya wesayîtên hewayî yên bêmirov operasyonek daye destpêkirin. Hêzên dagirker ên ku li ser bejahiyê ji ber berxwedana hêzên me nekariye têkeve qadê, bi balefirên şer qad bomberdûman kiriye. Di vê bomberdûmanê de 4 hevalên me şehîd bûne.

Nasnameya hevalên me yên şehîd wisa ye:

Nasnav: Agît Hazmaz

Nav û Paşnav: Mûharrem Bîngol

Cihê Jidayikbûnê: : Amed

Navê Dayik - Bav: : Edîbe - Enver

Cih û Demê Şehadetê: Çewlîk / 13’ê Îlona 2018’an

*****

Nasnav: Hevi Roger Destan

Nav û Paşnav: Sînem Arslan

Cihê Jidayikbûnê: Mûş

Navê Dayik - Bav: Uzlufe – Mehmet Selîm

Cih û Demê Şehadetê: Çewlîk / 13’ê Îlona 2018’an

*****

Nasnav: Raperîn Baz

Nav û Paşnav: Mîzgîn Bîlîn

Cihê Jidayikbûnê: Çewlîk

Navê Dayik - Bav: : Ayşe - Selahattîn

Cih û Demê Şehadetê: Çewlîk / 13’ê Îlona 2018’an

*****

Nasnav: Şervan Çewlîk

Nav û Paşnav: Firat Bûlût

Cihê Jidayikbûnê: Çewlîk

Navê Dayik - Bav: Fatma - Ahmet

Cih û Demê Şehadetê: Çewlîk / 13’ê Îlona 2018’an