Şerê Tunekirina Terorê: 26 çete hatin kuştin

NAVENDA NÛÇEYAN

Navenda Ragihandin û Çapemeniyê ya Hêzên Sûriya Demokratîk (QSD) îro encamnameya şer û pevçûnên 24 saetên dawîn ên li devera Hecîn ku devera herî dawîn di bin dagirkeriya çeteyên DAIŞ'ê de li rojhilatê çemê Firatê ye, ragihand.

Encamname wiha ye:

Aliyê El-Baxoz

Piştî ku hêzên me karibûn bajarok ji destên çeteyan rizgar bikin, hemleyeke lêkolîn û paqijkirinê di hundirê bajarok û derdora wê de da destpêkirin. Tîmên taybet ên bêbandorkirina mayinan bi dehan mayin dîtin û bê bandor kirin.

Tevgera çeteyan li vê eniyê, çeteyan xwest ber bi bajarok ve pêşve werin û di êrîşa xwe de çekên giran û navîn bi kar anîn. Çeteyan di êrîşa xwe de sekvan jî li dijî şervanên me bi kar anîn. Êrîşa çeteyan rastî berxwedana şervanên me hat û pevçûnên dijwar rû dan. Di encamê de sekvanekî çeteyan hate kuştin.

Çeteyan her wiha firokeyên bêpîlot li ezmanê El-Baxoz bi kar anîn. Firokeyên çeteyan ji aliyê şervanên me ve hatin xistin.

Serê vê sibehê balafirên Koalîsyona Navneteweyî tuneleke çeteyan armanc kir û di encamê de 3 çete hatin kuştin. Piştre heta dema amadekirina vê raporê bêdengî serwer e.

Aliyê El-Sûsê

Li vê eniyê heta astekê bêdengî heta şevê din serwer bû û çete bê tevger bûn. Serê vê sibehê û heta dema amadekirina vê raporê bêdengî hê jî li vê eniyê serwer e.

Encamên êrîşên ezmanî û kuştiyên çeteyan li giştî aliyan

10 êrîşên ezmanî pêk hatin. 26 çete hatin kuştin û tuneleke çeteyan hate hilweşandin û xaleke parastinê ya li nêzî El-Baxoz hate rûxandin.