Endamê Asayîşa Til Temir Mihemed Masûm bi merasîmekê hate oxirkirin

Endamê Hêzên Asayîşa Til Temirê Mihemed Masûm li goristana Şehîdên Til Temirê hate oxirkirin.

NÛÇE

16 îlon, 2018 18:04

HESEKÊ

Bi tevlîbûne şêniyên Til Temir, Zergan û herêma Serêkaniyê yên kantona Hesekê cenazeyê endamê Hêzên Asayîşê Mihemed Masûm ê di encama nexweşiyê de şehîd bubû li goristana Şehîdên Til Temirê hate veşartin.

Endamên Hêzên Asayîşê, nunerên saziyên sivîl û partiyên siyasî tev li merasîmê bûn.

Di merasîm de, rêveberê Asayîşa Til Temirê Selman Nûhî, endama Meclisa Malbatên Şehîdan a Serêkaniyê Şêxa Xelîl û birayê Şehîd Elî Masûm axivîn.

Di axaftinan sersaxî ji malbata şehîd re hate xwest û rola Hêzên Asayîşê de ya di pêkanîna aramiyê de hate silavkirin.

Kesên axivîne, her wiha anîn ziman ku li gel pêşdeçûnên şervanên QSD‘ê têkbirina terorê li bakur û rojhilatê Sûriyeyê nêzîk bûye û hate gotin ku serkeftinên heyî berhemên keda şehîdan e. Her wiha soza pêkanîna armancên şehîdan hate dayîn.

Piştî axaftinan, nasnameya şehîd hate xwendin û radestî malbata wî hate kirin.

Girse cenaze di nava dirûşme û tilîliyên dayika veşartin.

ANHA