Şehîd Suheyîb li Dêrazorê hate oxirkirin

DÊRAZOR

Bi sedan welatiyên gundên rojhilat û rojavayê Dêrazorê, endamên Meclisa Sivîl a Dêrazorê, Meclisa Zagonsaz, Meclisa Malbatên Şehîdan û şervanên QSD'ê di merasîma cenaze de amade bûn.

Welatiyan cenazeyê şehîd Suheyîb (Ebdullmecîd El-Emir) ku di 8'ê Îlonê de di hemeleya Bagera Cizîrê de li herêma El-Sebhê şehîd bûbû, wergirt û bir Goristana Şehîd Hanî El-Hesen.

Merasîm bi deqeyeke rêzgirtinê û toreneke leşkerî dest pê kir. Paşê fermandarê QSD'ê Sîf El-Esker axivî û wiha got: "Çi qas em behsa lehengiya şehîdan bikin, em heqê wan nadin, şehîdan hemû gel kirin yek û ji bo welatiyan ji zilmê xelas bikin şer kir û şehîd bûn."

Serokê Meclisa Zagonsaz Merwan El-Fetîh jî wiha axivî: "Şehîdan xwîna xwe ji bo xaka xwe da, wan parastina gelê xwe kir heta ku gihaştin asta şahadetê. Em bejna xwe li ber wan ditewînin û soza şopandina rêya wan didin."

Paşê endama rêveberiya Saziya Malbatên Şehîdan Wefaa El-Celal nasnameya şehîd xwend û radestî malbata şehîd kir. Cenazê şehîd di nava tilîliyên dayikan û dirûşmên silavkirina şehîdan de spartin axê.

(jo)

ANHA