Hewldanên Karîgeriya Çandiniyê ji bo pêşxistina herêmê

MIHEMED HEYDAWÎ / TEBQA

Ji ber şerên ku li herêmê rû dane, Tebqa mîna deverên din di warê çandiniyê û sewalkariyê de gelekî paşde çûye.

Li gorî serjimariyên ku Karîgeriya Çandiniyê li herêma Tebqayê pê rabûye, hejamara keriyên sewalan gelekî pêşde çûne. Heta niha hezar çêlek, 175 hêştir, 250 hezar û 200 serî mih û 175 hezar û 113 serî bizin hatine belgekirin. Ev rêje li gorî salên borî gelekî kêm e.

Endama rêveber a beşa berhemên sewalan a Karîgeriya Çandiniyê ya Tebqayê Sare El-Şêx sedemên kêmbûna seriyên sewalan vegerand şerên ku li herêmê rû dane û wiha got: "Ji ber şer, gelek nexweşî di nav sewalan de belav bûn. Her wiha ji ber tunebûna derman û aşleyên pêwîst gelek sewal mirin."

Ji bo çareserkirina vê pirsgirêkê, beşa berhemên sewalan a Tebqayê pêşniyar dike ku navendên beyterî ava bike da ku aşleyên bê pere belav bikin. Her wiha pere bi deyn bidin sewalkaran da ku çêlekan bikirin û hilberîna şîr li herêmê zêde bikin.

Di dawiyê de Sara El-Şêx tekez kir ku karîgerî piştgiriya beşa berhemên sewalan dike û Komîteya Aborî gelek proje ji bo pêşxistina vî warî pêşkêş dike, ji ber ku sewalvanî bingeha piştgiriya aboriya herêmê ye.

(şx)

ANHA