PYD: Tirkiye bi tecrîdkirina Ocalan binpêkirina pîvanên navnetewî didodmîne

HELEB

Helwestên şermezarkirinê li hemberî tecrîdkirina Rêberê Gelê Kurd Abdullah Ocalan hêjî berdewam dibin. Di vê çarçoveyê de Şaxa Partiya Yekîtiya Demokratîk (PYD) a bajarê Helebê di çalakiyekê de bi beşdarbûna endamên partiyê û alîgirên wê daxuyaniyek da.

Daxuyanî li pêşiya Navenda PYD'ê ya li devera rojava a taxa Şêxmeqsûd ji aliyê Endama PYD'ê Nesrîn Reşîd ve hate xwendin.

Daxuyanî wiha ye:

"Li giştî cîhanê û bi taybet li dijî gelên bindest ên Rojhilata Navîn hêjî zordarî berdewam dibe. Yek ji rêjîmên herî zêde zordariyê dikin dewleta Tirk a faşist a toranîst e ku bi xwîndariya xwe û destdirêjiyên der heqê gelan de navdar e.

Ev dewleta Tirk ku dubare hemû qanûn û pîvanên navnetewî binpê dike hêjî hêjî tecrîdkirina Rêberê Netewî Abdullah Ocalan didomîne.

Em weke endamên PYD'ê van kirinên Tirkiyeyê der heqê gelên Rojhilata Navîn û Kurdistanê de bi tundî şermezar dikin.

Di van mercên hestiyar û dijwar de ku Rojhilata Navîn û bi taybet Sûriye têre derbas dibe, dewleta Tirk herêma Efrînê dagir dike û komkujiyên herî qirêj der heqê xweza û welatiyên Efrînê de pêk tîne û hewl dide demografiya herêmê biguherîne. Dewleta Tirk bi hemû hêz û derfetên xwe hewl dide projeya demokratîk li herêmê têk bibe û hemû têkliyên xwe li ser vê bingehê ava dike.

Ji aliyekî din ve hikûmeta AKP'ê ku komplo û lîstokên xwe didomîne hewl dide fikr û felsefeya Ocalan bi riya van êrîşên dubare têk bibe û bi vê armancê eşkere alîkariya terorê û çeteyên DAIŞ û Cebhet El-Nusra dike. Tevî ku civaka navnetewî baş dizane ku Tirkiye alîkariya terorîstan dike lê dîsa jî li hemberî van kirinên Tirkiyeyê bêdeng maye.

Em soza şopandina riya şehîdan û fikr û felsefe û bîrdoziya Rêber Ocalan dubare dikin. Em ê di bin durişmeya demokrasî, azadî, aştî û jiyana hevbeş de têkoşîna xwe ber bi pêkanîna projeya Rêber Ocalan ve bidomînin.

Em helwestên dewletên Ewropa û bi taybet CPT ku destên wê di nava kirinên dewleta Tirk de hene bi tundî şermezar dikin.

Em bang li hemû rêxistinên mafên mirovan, Netewên Yekbûyî, Konseya Ewlehiyê û hemû azadîxwazên cîhanê dikin ku zextê li Tirkiyeyê bikin da ku tecrîdkirina Rêberê Netewî Abdullah Ocalan bidawî bike.

ANHA