Ji Dêrikê berxwedana Îmralî hate silavkirin

Bi wesîleya 1‘ê Îlonê Roja Aştiyê ya Cîhanê û bi armanca şeremzarkirina tecrîdkirina Rêberê Gelê Kurd Abdullah Ocalan bi tevlêbûna bi hezaran meşeke hate li darxistin. Di meşê de berxwedana Îmralî hate silavkirin.

NÛÇE

1 îlon, 2018 18:01

QAMIŞLO

Bi hezaran kes ji hemû pêkateyên herêma Dêrik, Girkê Legê û Çilaxa beşdarî meşê bûn.

Meş ji qada Azadî ya bajarê Dêrikê dest pê kir û di ava kolanên serek de geriyan. Di wê navberê de diruşmeyên azadiya Ocalan û silavkirina berxwedana Îmralî dihatin berizkirin.

Meş li qada Şehîdan a bajêr sekinî. Li vir daxuyanî ji aliyê Hevserokê Meclisa herêma Dêrikê Mihemed Ebdulrehîm ve hate xwendin.

Di daxuyaniyê de Roja Aştiyê hate pîrozkirin û hate gotin, Sûriyê di vê pêvajoyê de hewcedarê aştî û armaniyê ye.

Ebdulrehîm wiha domand, " Tenê felsefeya Rêber Abdullah Ocalan dikare dawî li şer bîne û aştî û çanda Netewa Demokratîk pêk bîne."

Mihemed Ebdulrehman, bang li rêxistinên navdewletî, hiqûqa mafê mirovan û CPT kir ku erka ya rawestandina şerê li Sûriyê û azadiya Ocalan pêk bînin.

Rêvebera Kongreya Star Nesrîn Mihemed jî axivî û tecrîdkirina Ocalan bi hedevgirtina firkê azad û îradeya gel bi nav kir û dawaz kir ku her kes li hemberî binpêkirinên ne mirovî yên dewleta Tirk tevbigerin.

Çalakî bi dirûşmeyên silavkirina berxwedana Îmralî bi dawî bû.

ANHA