Salvegera 15‘ê Tebaxê li taxa Şêxmeqsûd hate pîrozkirin

Li taxa Şêxmeqsûd a Helebê bi tevlêbûna sedan kesî salvegera 34‘an a Pêngava 15‘ê Tebaxê hate pîrozkirin.

NÛÇE

15 tebax, 2018 21:21

HELEB

Bi boneya salvegera 34‘an a Pêngava 15‘ê Tebaxê bi sedan welatiyêna taxa Şêxmqsûd a Helebê ku al û sembolên Kurdî û wêneyên şehîdan hilda bûn, li qada taxê kom bûn.

Şervanên YPG, YPJ, Hêzên Asayîşê, Hêzên Parastina Civakî, nûnerên PYD‘ê, Partiya Sûriyeya Pêşerojê, Kongreya Star, MSD‘ê û Hevbendiya Niştimaniya Demokratîk beşdarî pîrozbahiyê bûn.

Şahî bi rêzgirtinê dest pê kir. Paşê Endama Fermandariya Giştî ya YPJ‘ê ya Helebê Soza Efrîn û Endama Koordînasyona Giştî ya TEV-DEM‘ê Rohilat Arif axivîn.

Di axaftinan de hate gotin ku şoreşa Rojava berhema 15‘ê Tebaxê ye û wekî roja vejînê û têkoşîna li hemberî pergalên desthildatdar hate bi navkirin.

Kesên axivîn soza şopandina xeta şehîdan û avakkirina civakake demokratîk dan.

Di şahiyê de, koma şehîd Serhed a dîlanan, Kevana Zêrîn a stranan û endmên Yekitiya Rewşenîbran daketin ser dike.

Di dawiyê de govend li ber stranên şoreşgerî hatin gerandin.

ANHA