Akademiya Şehîd Hozan Can dewreyeke din bi dawî kir

Akademiya Şehîd Hozan Can a girêdayî Yekîtiya Ciwanên Rojava ya Kantona Girê Spî dewreya 14 a bi navê "Şehîd Birûsk" bi dawî kir.

9 tebax, 2018 19:30

GIRÊ SPÎ

Li Akademiya Şehîd Hozan Can a bîrdozî ya girêdayî Yekîtiya Ciwanên Rojava pêş 15 rojan û bi tevlîbûna 24 endaman dewreyeke perwerdeyê bi navê "Şehîd Birûsk" dabû destpê kirin.

Bi armanca qedandina dewreyê, şahiyek hate lidarxistin.

Di şahiyê de, endamên Yekîtiya Ciwanên Rojava, nûnerên meclisa kantonê û meclisa navçeyê amade bûn.

Cihê şahiyê bi wêneyên Yekîtiya Ciwanên Rojava û Yekîtiya Jinên Ciwan, YPG, YPJ û QSD‘ê hatibû xemilandin.

Piştî rêzgirtinê bi navê meclisa kantonê Cîgirê Hevseroaktiyê Sebirî Nebo bidawîbûna perwerdeyê li ciwanan pîroz kir û tekez kir ku civka bi ciwanan pêş dikeve, ciwan divê di her aliyan de xwe perwerde bikin û pêş bixin.

Ji aliyê xwe ve rêveberê Akademiyê Îmad Girê Spî jî anî ziman ku serkeftinên hatine bidestxistin berhemên xwîna şehîdan e û bang li ciwanan kir ku xwedî li şehîdan derkevin.

Di dawiya şahdiyê de şêranî hate belavkirin.

(bb)

ANHA