Kongreya Star a Efrînê encamên konferansa xwe ya duyemîn ji jinan re şîrove dike

ŞEHBA

Bi dehan jinên ji herdu gundan beşdarî civaînê bûn.

Civîn bi rêzgirtinê dest pê kirin. Paşê mamosteya Zimanê Kurdî Rojîn Mihemed rapor û encamenaya konferansê xwend.

Di civînê de, rewşa siyasî û rêxistinî ya di raporê de hatî nivîsandin hate şîrove kirin, bal hat kişandin li ser êrîşên artêşa tirk a dagirker û çeteyên girêdayî wê yên li ser Efrînê û berxwedana gelê Efrînê ya li hemberî têknîka herî pêşketî ya NATO‘yê. Her wiha hate gotin ku hêzên dagirker li Efrînê jinan hedef digirin û der heqê wan de kiryarên der mirovî pê tînin.

Di raporê de, her wiha perwerde û rêxistinbûyîna jinên Efrînê hate nirxandin û hate gotin ku pêwîste jin di her qadan de asta xwebatê pêş bixîne û hate destnîşan kirin ku konferans hewl dide her cure tund û tujiya li ser jinê ji holê rake.

Rêveberiya Kongreya Star Emîna Dengelî jî axivî û destnîşan kir ku pêwîste jinên Efrînê biryarên konferansê pêk bînin da ku Efrîn û jin ji zulama artêşa tirk a dagirker rizgar bibin.

Her wiha rewşa jinên li Şahbayê jî hate nirxandin û bang hate kirin ku divê jin li berxwedana xwe berdewam bike û rêxistinbûyîna xwe baştir bike.

Di dawiya civînê de beşdaran diyar kirin ku ew ê xeta têkoşînê berdewam bikin ta Efrîn rizgar bikin û her cure dagirkerî tune bikin.

Tê payîn ku civînên şîrovekirina encamên konferansê li gelek deverên Şahbayê dê werin lidarxistin.

ANHA