Dikaneke biçûk çanda kevn ji windabûnê diparêze

OLVA HAC MENSÛR-NESRÎN ELÎ / HESEKE

Di dikana xwe ya biçûk de Ehmed Hemze terwendeyên çanda kurdî kom kirin. Her yek ji wan çîrokeke xwe ya şadî yan jî xemgîniyê heye. Neviyan ji zimanê bav û kal û pîran veguhastine.

Hemze aşiqê çanda kurdî û hezkiriyê huneran e ku bi baldarî bi rêya karên destan hatine veguhastin.

Ehmed Hemze, ji ber pergalên desthilatê ku çewisandinek nîjadî û çandî der heqê gelê kurd dimeşîne, tirsî ku çanda kurdî winda bibe. Lewre Hemze di pîşeya xwe de ji bo parastina kesayeta kurdî stargehek dît.

Hemze di nav 5 salan de perçeyên terwende wekî alavên ku çêkirina wan li herêmên kurdî tên naskirin berhev kirin û dikana xwe pê xemiland heta dikan bû wekî maleke kurdî ya kevn.

Ji terwendeyên ku di dikanê de bala mirov dikişînin: Biharatkut, tizbî, ûtiyên cilan ên ku bi rejiyê dixebitin, destar, xalîçeyên ku bi nolên kevn hatine çêkirin.

Her wiha cihên ku Hemze terwende jê kom kirine: Kantona Cizîrê, başûr û bakurê Kurdistanê û her wiha herêmên Rojava jî.

Hêjayî bibîrxistinê ye ku herêmên Rojhilata Navîn şereke çandî lê heye û di çarçoveya rêkeftinên dewlet û desthilatên serwer de gelên herêmê hedef digire. Yên wekî van pişkdariyên çandî her çi qas biçûk û kêm bin jî lê ji bo parastina çandek resen ji koka şaristaniyê mînakek e.

(şx/ew)

ANHA