Gelê Tirbespiyê sersaxî ji malbata şehîd Kêrlos re xwest

Bi sedan şêniyên navçeya Tirbespiyê û endamên Meclisa Rêberiya Xweseriya Demokratîk berê xwe da Dêra Meryem El-Ezra û sersaxî ji malbata endamê Meclisa Leşkerî ya Sûryaniyan Ramî Ziya Davîd re xwest.

NÛÇE

23 tîrmeh, 2018 12:18

QAMIŞLO

Merasîmê sersaxiya endamê Meclisa Leşkerî ya Sûryaniyan Kêrlos (Ramî Ziyad Davîd) ku roja Duşemê di encama qezayeke trafîkê de şehîd ketibû, li Dêra Meryem El-Ezra ya navçeya Tirbespiyê ya herêma Cizîrê-Bakurê Sûriyeyê hate lidarxistin.

Ji demên sibehê ve, şêniyên navçeya Tirbespiyê, hemû pêkhate û rêveberên Meclisa Rêveberiya Xweseriya Demokratîk berê xwe da bin konê sersaxiyê.

Di merasîmê de gelek axaftin hatin kirin, ji wan jî endamê Desteya Hevserokatiya Meclisa Sûriyeya Demokratîk Hikmet El-Hebîb, endamê Hevdîtina Oldaran a Herêma Cizîrê Hena Somî û endamê Rêveberiya Xweseriya Demokratîk li herêmê Hisên El-Sade axivîn.

Axaftvanan sersaxî ji malbata şehîd Kêrlos re xwest û diyar kir ku divê pêkhateyên herêmê di vê pêngava hestiyar de piştgiriya hev bikin û guhê xwe nedin propogandayên derewîn ên ku dixwazin vîna gel bişikînin.

Axafvanan di dawiyê de tekez kir ku gelên herêmê bi yekitiya xwe jiyana azad piştî 19`ê Tîrmehê pişterast kir û da zanîn ku Hêzên Sûriyeya Demokratîk û hêzên ku terorê diqewitînin gelek kesan di bin siya wan de xwîna xwe rijandiye.

(ekîb)

ANHA