Duyemîn konferansa Yekitiya Jina Azad dest pê kir

ŞEHBA

Duyemîn Konferansa Yekitiya Jina Azad bi dirûşma "Azadiya jinan mîsogeriya azadiya civaka demokratîk e" bi beşdariya 150 endam, nûnerên Kongreya Star a Efrînê û Partiya Sûriyeyê ya Pêşerojê, dest pê kir.

Hola konferansê bi wêneyên şehîdên Eniya Jina Azad a Şehbayê, YPJ, ala Yekitiya Jina Azad û pankartên bi nivîsa "Bi rihê Avesta û Barînan em ê Şehba û Efrînê rizgar bikin, azadiya jinan mîsogeriya civaka demokratîk e, nasnameya Kongreya Star mîsogeriya dîroka jinan û jiyana azad e û bi rihê Berxwedana Serdemê emê şoreşa jinê bikin şoreşa civakî" hate xemilandin.

Li gorî komîteya amadekar a konferansê ku piştî konferans bi rêzgirtin destpê bike dê axaftin ji aliyê hevseroka Meclisa Dameziriner a Federaliya Demokrtîk a Bakurê Sûriyeyê Hediya Yûsif ve were kirin û paşê dê raporên salane werin xwendin û nîqaş li ser rewşa siyasî û rêxistinî dê werin kirin. Her wiha dê rêziknameya yekitiyê were xwendin û pêşniyar dê werin kirin.

Tê zanîn ku di dawiya konferansê de wê Koordînasyona Giştî ya Yekitiya Jina Azad a herêma Şehbayê were hilbijartin.

(bx/ew)

ANHA