Li Girê Spî pêşengeha wênesaziyê ya ciwanên kampê

Komîteya Çand û Hunerê ya Meclîsa Sivîl a Reqayê pêşengehek wênesaziyê li kampa koçberan a Eyn Îsa vekirin.

ÇAND Û HUNER

11 tîrmeh, 2018 14:07

GIRÊ SPÎ

Bi armanca pêşxistin û hîndarîkirina ciwanan, Komîteya Çandê bi alîkariya Rêxistina Sivîl a Pel û Komîteya Ciwan û Werzîşê, pêşengehek wênesaziyê li kampa Eyn Îsa vekirin. Pêşengeh wê du rojan vekirî be.

Di merasîma vekirina pêşengehê de, endamên Komîteya Ciwan û Werzîşê, Komîteya Çand û Huner, ciwanên kampa Eyn Îsa û endamên Rêxistina Sivîl a Pel amade bûn.

Di pêşengehê de derora 150 tabloyên mezin û hin tabloyên biçûk yên ku ji aliyê 75 wênesazên kampê ve hatin xêzkirin hatine daliqandin.

Meclîsa Sivîl a Reqayê tabloyên pêşengehê wê li herêma Cizîrê û Minbic jê pêşkêş bikin.

Endamê Komîteya Ciwan û Werzîşê yê Meclîsa Sivîl a Reqayê Ehmed El-Şerîf armanca vekirina pêşengehê destnîşan kir û anî ziman ku armanca pêşengehê dema ciwanan vala derbas nebe û afrînerên wan pêş bixin.

Endamê Komîteya Hunera Şêwekariyê ya Burorya Çand û Hunerê Ziyad El-Hemed jî destnîşan kirin ku tablo wê werin nirxandin û li gorî sê astan xelat werin belavkirin.

ANHA