Şehîdên meha Hezîranê yên Tebqayê hatin bîranîn

TEBQA

Di merasîmê de bi dehan malbatên şehîdan, Hevserokên Meclîsa Zagonsaz a Rêveberiya Sivîl a Demokratîk a Tebqayê Hamid El-Feric û Rewşen Hemê, Hevserokên Meclîsa Rêveber a Tebqayê Hind El-Elî û Şiyar Mihemed amade bûn.

Şehîdên meha Hezîranê yên Tebqayê;  Xalid El-Hemûd (Ebû Ereb), Abdullah Abdullah, Elî Ferhan û Mihemed Adil El-Ehmed (Mihemed Reqa).

Merasîm li avahiya akademiya Şehîd Xalid Îlêwî hate lidarxistin û bi rêzgirtinê dest pê kir.

Paşê Rêvebera Komîteya Karûbarên Malbatên Şehîdan a Tebqayê Îbtîsam El-Elî şehîd muxateb kir û got, "Lehengên azadiyê bi xwîne we em ê azadiya xwe bidest bixînin."

Ji fermandarên QSD‘ê Omîd Gabar jî axivî û anî ziman ku ew ê ji bo azadiya gelan û mafên gelê Bakurê Sûriyê têkoşîna xwe berdewam bikin.

Hevseroka Komîteya Têkiliyên Giştî ya Rêveberiya Sivîl a Demokratîk a herêma Tebqayê Asya El-Xerbî sersaxî ji malbatên şehîdan re xwest.

Di merasîmê de her wiha dayika şehîd Ebû Ereb Xwla El-Mihemed jî diyar kir ku ew bi şehadeta kurê xwe serbilin e û bang li ciwanên herêmê kir ku tevlî QSD‘ê  bibin.

Di dawiya merasîmê de senevîzyoneke li ser kurtejiyana herçar şehîdan hate pêşkêşkirin.

(bb)

ANHA