Sewalvanên Reqayê bi gazinc in

EMÎNE EL-ELÎ  / REQA

Ji ber sedemên cûda yên wekî belavbûna nexweşiyên sewalan, buhabûn û sextebûna cûreyên aşle û êmên sewalan, li Reqayê sewaldarî ya Reqayê zirar dîtiye.

Ji bo çareserkirina van pisgirêkan Komîteya Sewaldarî ya Reqayê dest bi çavdêrkirina dermanxaneyên sewalan (beyterî) kir û ji ber giliyên xwediyên sewalan ji bazarên bêserûber, komîte hewl dide bazarek daîmî çêbike.

Serokê Komîteya sewaldariyê Munzir Rifet derbarê mijarê wiha got: "Me ji bo 63 dermanxaneyên beytarî, 6 depoyên beytarî û 42 mirîşgehan re destûra vekirinê daye."

Sewaldarê bi navê Hemadî El-Hisên derbarê mijarê got: "Em ji Meclîsa Sivîl a Reqayê hêvî dikin ku bazarekî giştî li şûna gelek bazarên zêde ku hatine çêkirin, veke."

Bijîşkê Sewalan (beyterî) Ehmed El-Hisên jî li ser mijarê ev tişt anî ziman "Ji ber kêmbûna aşleyên sewalan û ji ber bazarên bêserûber nexweşiyên lawiran zêde bûne."

Xwedîkirina masiyan jî zirar dîtiye

Endamê komîteya sewaldariyê Mehmûd El-Hemzewî derbarê mijarê de ev tişt anî ziman: "Masîdarî ji ber şer, nêçîriya zêde û guhnedane nêçîrvanan ji şêwaza nêçîrê re zirar dîtiye. lewra em ê komîteyên çavdêriyê û nasandina nêçîriyê ava bikin".

Her wiha xwediyên meh, çêlek, mirîşk û masî bang li Meclîsa Sivîl a Reqayê kirin ku di peydakirina pêwîstiyên sewalan de alîkariya wan bikin.

(şx/bb)

ANHA