Şênyên Dêrazorê du şehîdên xwe oxir kirin

Şêniyên gundewarên rojhilata Dêrazorê du şehîdên Erka Xweparastinê Ebdulah Mehmûd û Mihemed Salih ên ku di pêngava Bagera Cizîrê de şehîd bibûn li goristana şehîdan Hanî Hesen oxir kirin.

NÛÇE

24 hezîran, 2018 17:25

DÊRAZOR

Bi sedan şêniyên gundewarên rojhilata Dêrazorê, di nav nûnerên saziyên sivîl û leşkerî tevlî merasîma oxirkirinê bûn. Kerwana şehîdan ku bi wêneyên şehîdan xemlandî bû ji gundê El-Sebha ber bi goristana şehîda Hanî Hesen li herêma El-Besra bi rêketin.

Merasîm bi turenek leşkerî ji aliyê Hêzên Erka Xwe Parastinê ve dest pê kir.

Piştre ji fermandarê QSD'ê Ebû Leyla El-Egîdî axivî û wiha got:" Em sersaxiya her du malbatên şehîdan re dixwazin. Em hemû kurên we ne û em ê heta pêkanîna wekhevî û azadiya gelê xwe riyên şehîdên xwe dê bi şopînin."

Her wiha endama rêveber a Meclîsa Malbatên Şehîdan a gundewarên rojhilata Dêrazorê Feyrûz Mihemed got:" Bi saya şehîdan em gihaştin vê astê û me sazî û meclîsên xwe avakirin, lewra em soza şopandina riyên wan didin."

Piştre endamê rêveber ê Saziya Malbatên Şehîdan Feyrûz Mihemed wesîqeya şehadetê ya her du şehîdan xwend û radestî malbata wan kir.

Girseya gel cenazeya her du şehîdan di nav tilîliyên dayîkan û dirûşmeyên silavkirina berxwedana QSD'ê spartin axê.

(şx)

ANHA