Sersaxî ji malbata Şervan Zagros re hate xwestin

Meclîsa Malbatên Şehîdan a navçeya Dirbesiyê ya girêdayî Kantona Hesekê, merasîma sersaxiyê ji bo şervanê YPG'ê Şervan Zagros ku di pêngava Berxwedana Serdemê de şehîd bibû organize kir.

NÛÇE

20 hezîran, 2018 14:18

HESEKÊ

Li gundê Til Lêlûn ya navçeya Dirbesiyê, sedan şêniyên navçeya Dirbesiyê, şervanên YPG'ê, YPJ'ê, endamên Saziyên Sivîl û Meclîsa Malbatên Şehîdan tevlî merasîmê bûn.

Beşdaran pankartên şehîdan û alên YPG'ê û YPJ'ê hildbûn.

Merasîm bi deqeyek rêzgirtin destpê kir. Piştre li ser navê Meclîsa Malbatên Şehîdan Mihemed Xetîb, li ser navê YPG û YPJ'ê Agirî Şînda, Tevgera Civaka Demokratîk(TEV-D) Mihemed Nebî Kotî axaftin hatin kirin.

Di axaftinan de sersaxî ji malbata şehîd re hat xwestin, guhertina demografî ku dewleta Tirk û çeteytên wê li Efrîn dikin hat şermezarkirin. Her wiha axatifanan soza şopandina riya şehîdan ta rizgarkirina hemî herêmên Sûriyeyê dan.

Kesên axivîne her wiha bang li gelê Bakurê Kurdistanê û Tirkiyê kirin ku, ji bo hilbijartinên 24‘ê Hezîranê li Tirkiyê dengê xwe bidin HDPê.

Merasîm bi xwendina wesîqeya şehadetê û dirûşmeyên dilsoziya bi şehîdan re bi dawî bû.

(şx)

ANHA