Komîteya Perwerdeyê ya Reqayê ji bo mamosteyan dest bi devreyan dike

Komîteya Perwerde û Fêrkirinê ya Meclisa Sivîl a Reqa û Gundewarên Wê ezmûnên dawiya sala 2017-2018 bi tevlêbûna 64 xwendekaran bi dawî kirin û hewl dide ji bo mamosteyan devreyên nû veke.

15 hezîran, 2018 08:04

RUBA EL-ELÎ/REQA

Xwendekarên Reqayê piştî qutbûna 4 salan ji xwendinê di dema DAIŞ'ê de û piştî rizgarkirina herêmê ji hêla hêzên QSD'ê ve, Komîteya Perwerde û Fêrkirinê ezmûnên dawiya salê bi tevlêbûna 64 xwendekaran bi dawî kirin.

Piştî bidawîbûna ezmûnan komîte amadekariyên vekirina devreyên perwerdeyê yên havînê ji bo mamosteyên bajar û gundewarên wê dike.

Endamê Rêveberiya Komîteya Perwerdê û Fêrkirinê Elî El-Şenan diyar kir ku xwendekaran ji ber qutbûna ji xwendinê di ezmûnan de zehmetî kişand.

Der barê planên Komîteya Perwerde û Fêrkirinê ya Reqa û Gundewarên Wê de Elî El-Şenan wiha got: "Di betlaneya havînê de dê mamoste perwerdeyên fikrî, şêwazên wanedayînê, fêrkirin û materyalan bibîbin”

Di dawiya axaftina xwe de El-Şenan diyar kir ku dewreyên perwerdeyê dê li 12 navendên Reqa û gundewarên wê pêk werin.

(şx/ew)

ANHA