Hêzên ewlehiya hundirîn tedbîrên cejna Remezanê distînin

Hêzên Ewlehiya Hundirîn a bajarê Tebqayê bi armanca parastina welatiyan di cejna Remezanê de tedbîrên pêwîst distînin.

10 hezîran, 2018 08:26

TEBQA

Bi nêzîkbûna cejna Remezanê û ji bo parastina ewlehiya welatiyên bajarê Tebqayê Hêzên Ewlehiya Hundirîn tedbîrên pêwîst distînin. Hêzên Ewlehiyê di destpêkê de kontorla xwe li ser riyên sereke yên ketin û derkitina bajêr zêde kirine. Her wiha gerên xwe di nava bazaran de jî zêde kirine.

Hêzên Ewlehiyê her wiha bendên kontrolê yên nû ava kirine û belgeyên kesan û siwareyên ku derbasî bajêr dibin kontrol dikin.

Girêdayî mijarê Endamê Rêveberiya Hêzên Ewlehiya Hundirîn a Tebqayê Îmad El-Betûşî diyar kir ku hêzên wan ji bo welatiyên herêmê cejna Remezanê bi şahî derbas bikin wan gelek tedbîr standine.

El-Betûşî diyar kir ku zêdekirina bendên kontrolê û zêdekirina gera hêzên ewlehiyê di bajêr de tenê parastina welatiyan e.

Îmad El-Betûşî bang li welatiyan kir ku bi Hêzên Ewlehiya Hundirîn re bibin alîkar û tiştên ku ew bi guman dibînin hêzên wan agahdar bikin, da ku di demeke lezgîn de bête çareserkirin.

ANHA