Sersaxî ji malbata şehîd Êlan Gerîla re hate xwestin

QAMIŞLO

Bi sedan şêniyên herema Dêrik, Girkê legê , Çilaxa û Til Koçe, endamên saziyên civaka sivîl berê xwe dan bi konê sersaxiyê yê şervanê YPJ`ê Êlan Gerîla (Raperîn Xelîl ) ê ku di Berxwedana Serdemê de şehîd bibû û sersaxî ji malbata wî re xwestin.

Konê sersaxiyê bi wêneyên  şehîd Êlan û ala YPJ/YPG`ê û QSD`ê hate xemilandin

Merasîm bi rêzgirtin hate destpêkirin. Paşê yek ji fermandarên YPG `ê Ebûd Hisên axivî û got ku bi şehadeta hevalê Êlan û hemû şehîdan wan nirxên jiyana azad naskir. Ebûd di berdewamiya axaftina xwe de got ku şehîd ên ku wan fêrî jiyana azad û birûmet dikin kirin. Di dawiyê de Ebûd soza şopandina riya şehîdan heta dawiyê da.

Her wiha li ser navê Meclîsa Malbatên Şehîdan Elî Oryan axivî û  got ku ji bo ew bi azadî û aramî bijîn şehîdan canê xwe feda kirin.

Paşê li ser navê Partiya Yekîtiya Demokratîk (PYD), Meclîsa herema Girkê Legê û Tevgera Civaka Demokratîk (TEV-DEM) axaftin hatin kirin. Di axaftina de sersaxî ji malatê re hate xwestin û soza şopandina riya şehîdan heta dawiyê hate dayîn.

Merasîma sersaxiyê bi dirûşmeyên şehîd namirin bi dawî bû.

(cu/bx)

ANHA