Xwendekarên Efrînê ji perwerdeyê bê par nemane

SOLÎN REŞÎD/ŞEHBA

Di encama êrîşên dewleta Tirk û çeteyên girêdayî wî yên li ser kantona Efrînê de , bi hezaran xwendekar xwendina xwe nîvco hiştin û berê xwe dane kantona Şehbayê.

Komîteya Perwerdeya Civaka Demokratîk a Kantona Şehbayê wê ji destpêka meha Hizêranê dibistanan li gund û navçeyên kantona Şehbayê û navçeya Şêrawa veke da ku xwendekarên Efrînê werza duyem a perwerdeyê 2017-2018 bidomînin.

Komîteyê, di serî de dest bi serjimartina xwendekaran ên li kantona Şehba û navçeya Şêrawa kir. Li gorî encamên serjimartinê, hejmara xwendekaran derket 25 hezarî, ji bo dayîna perwerdeyê hezar mamoste  hatin erekedarkirin.

Girêdayî mijarê; Rêveberê Komîteya Perwerdeya Civaka Demokratîk a Kantona Şehbayê Şervan Hemo, diyar kir ku wê dibistan 3‘ê Hizêranê werin vekiri û got, "Rexmî ku derfetên me kêm in em bi hemû hêza xwe dibistanan vekin da ku xwendekarên Efrînê ji perwerdeyê bê par nemînin. Şer û merc çawa bin em bi ji şêniyan bi hêvî ne ku zarokên xwe bişînin dibistanan.

Şervan Hemo, banga li rêxistinên mirovî û Fona UNICEF kir ku erka xwe ya li hemberî zarokên Efrînê pêk bîne û pêwîsiyên perwerdeyê ji wan re bişînin.

(şx/bb)

ANHA