Di Roja Şehîdan de şehîdên Berxwedana Serdemê hatin bîranîn

ŞEHBA

Meclîsa Malbatên Şehîdan a Kantona Şehbayê bi merasîmekê nasnameya 29 cangoriyên Berxwedana Serdemê yên ji YPJ, YPG, Asayîş, HAT, QSD, Hêzên Erka Xweparastinê eşkere kir.

Merasîm  li kampa "Serdem" li gundê Til Sosîn bi amadebûna bi hezaran şêniyên Efrîn û Şehbayê hate lidarxistin.

Di merasîmê de, wêneyên şehîdan, alên û sembolên şoreşa Bakurê Sûriyê hatin hildan.

Merasîm bi deqeyeke rêzgirtinê dest pê kir. Endama Rêveber a Meclîsa Malbatên Şehîdan a Kantona Efrînê Şaziya Îbrahîm şehîdan meha Gulanê û yên Berxwedana Serdemê bîr anî û sersaxî ji malbatên wan re xwest.

Şaziya Îbrahîm got, "Şehîd sembola berxwedanê ne, bi giyanê wan em ê xeta berxwedana berdewam bikin ta Efrînê azad bikin.

Endamê Desteya Rêveber a TEV-DEM'ê Bedran Çiya Kurd jî axivî û got, "18'ê Gulanê roja têkoşîna şoreşgerî ye, roja bîranîna şehîdan e. Bi vê wesîleya pîroz em soz didin şehîdên xwe ku em ê asta têkoşînê mezin bikin û armancên şehîdan pêk bînin."

Di berdewama merasîmê de, nasnameyê şehîdan  ji aliyê endamê Meclîsa Malbatên Şehîdan Bekir Elîko ve hate xwendin.

Şehîdên Berxwedana Serdemê yên hatin biranîn;

Yehya Mihemed (Agirî Leylûn), Mehmûd Yûsif (Mehmûd), Heysem Şêxo (Heysem), Semîra Henan (Semîra), Mihyedîn Silêman( Mihyedîn), Elî Qedo ( Elî), Cafer Mamiş ( Kendal), Îbrahîm Îbrahîm (Îbrahîm), Meysa Ismaîl (Rûheyv Efrîn), Hêvîn Bagir (Bêrîtan Qendîl), Sultana Koto (Roza Efrîn), Şirîn Reşo (Avaşîn Efrîn), Ehmed Nesan (Zerdeşt Kûrzêlê), Zekiya Bazo ( Ekîn Welat), Ocalan Ismet (Xabûr Firat), Hozan Reşo (Şivan Çiya), Ebdurehman Dawûd (Sîpan Çiya), Dilovan Mûsa (Mezlûm Agirî), Şemseddîn Şeref (Hemze Çiya), Fûad Xubarî (Ferhad Zagros), Şêx Reşîd ( Fedekar Efrîn), Ebdo Muselî ( Îzet), Mihemed Welo (Dilsoz Efrîn), Ehmed Şêx Beyrem (Deniz Firat), Ela Abdullah (Cewher Bakur), Reşîd Elo (Bilbilê Çiya), Hisên Naso (Bahoz Amed) Îbrahîm Xalid Ebûd (Êrîş Azad) û Ehmed Emîr (Ehmed)".

Di dawiya merasîmê de wêneyên şehîdan diyarî malbatên wan hatin kirin.

(bb)

ANHA