Navenda çandê li Til Hemîsê tê vekirin

Tevgera Çand û Huner a navçeya Til Hemîs piştî ku kar û xebatên sererastkirinê bi dawî kir, amadekariyên vekirina navendê dike.

ÇAND Û HUNER

15 gulan, 2018 11:01

ŞEHAB EL-EHMED / QAMIŞLO

Tevgera Çand û Huner a kantona Qamişlo ji beriya 4 mehan xebatên sererastkirina navenda Çand û Hunerê ya navçeya Til Hemîs dabû destpêkirin.

Armanc ji vekirina navendê aktîvkirina vejandin û pêşxistina çand û filkora gelên navçeyê ye.

Ji rêveberên Tevgera Çand û Huner a navçeya Til Hemîs Simko Cûdî diyar kir ku wan ji 15`ê Kanûnê ve dest bi sererastkirina navendê kirin û got ku wan navendê bi teklufeya 15 mîlyonên L.S hate sererastkirin.

Simko Cûdî destnîşan kir ku wan komîteyên çandî yên girêdayî meclîsa navçeyê û bajarokên girêdayî wê ava kirin û her wiha hevserokên wan jî hatin hilbijartin.

Cûdî di berdewamiya axaftina xwe de destnîşan kir ku ji bo ku çand û huner li herêmê pêş bikeve û her wiha afrênerên li herêmê pêş bikevin wê navenda ji nûve aktîv bikin.

Cûdî diyar kir ku navenda wan wê di roja çarşemê de bi merasîmekê were vekirin.

(bx)

ANHA