‘Bi fikirê Ocalan em ê têkoşîna rizgarkirina Kurdistanê xurtir bikin’

Yekîtiya Jinên Ciwan (YJC) û Yekîtiya Ciwanên Rojava(YCR) bi boneya rojbûna Rêberê Gelê Kurd Abdullah Ocalan bi dirûşmeya ‘Ciwan Fedaiyên Rêber APO ne’meşeke girseyî li bajarê Qamişlo lidar xistin.

CIWAN

5 nîsan, 2018 12:32

QAMIŞLO

Meşa ku bi sedan ciwanên kantona Qamişlo tevlê bibûn, ji Çerxereya Şehîd Rûbar a bajarê Qamişlo destpê kir.

Ciwanan di meşê de, pankêrtin ‘Ciwan fedaiyên Rêber APO ne, Li dijî dagirkeriya Tirk serî hilde’vekiribûn, herwiha posterên Ocalan, alên YPG/YPJ û YCR/YJC hatin rakirin.

Meş li Qada Şehîd Xebat a giredayî taxa Hilêliyê veguhrî mîtîngê.

Endama YJC`ê Amed Memo axivî û rojbûna Ocalan pîroz kir û got, “Rojbûna Rêber APO ronahiya hemû gelan e. Wekî Rêber APO dibêje ʺMe bi ciwantî despê kir û em ê bi ciwan bi dawî bikiʺ, li ser vî esasî em ê têkoşîna xwe bi fikirê Rêber APO ta rizgarkirina herçar parçeyên Kurdistanê dewam xurtir bikin.ʺ

Endamê Koordînasyona YCR`ê re Şahîn Cûdî jî axivî û da zanîn ku roja 4`ê Nîsanê ji bo hemû gelan roja afirandina ramanek û felsefeyeke nû ye.

Mîtîn bi dirûşmeyênʺBijî Serok APO, Em ciwan fedaiyên Ocalan in û Jin jiyan azadî’ bi dawî bû.1

(kc)

ANHA