Ji bo piştgiriya Berxwedana Serdemê stranaʺEfrîn em xweşmêr in te neʺ tê amadekirin

Komîteya Çand û Hunerê ya Rêveberiya Sivîl a Demokratîk a Herêma Tebqayê ji bo piştgiriya Berxwedana Serdemê ya Efrînê, stranekê bi navêʺEfrîn em xweşmêr in te neʺ amade dike.

3 nîsan, 2018 10:17

TEBQA – Berxwedana Serdemê ya Efrînê ku di qonaxa duyemîn de dewam dike, roj bi roj piştgiriya ji bo berxwedanê jî mezin dibe.

Di vê çarçoveyê de, Komîteya Çand û Hunerê ya Tebqayê ji bo piştgiriya Berxwedana Serdemê ya Efrînê, stranekê bi navêʺEfrîn em xweşmêr in te neʺ amade dike.

Derbarê armanca vê stranê, ji rêveberên buroya têkiliyan a Komîteya Çand û Hunerê Musene Ebdulkerîm axivî û got,ʺArmanca me ji vê stranê ew e ku piştgiriya xwe ji bo Berxwedana Serdemê û gelê Efrînê nîşan bidin. Her wiha em tekez bikin ku em û gelê Efrînê di yek xendeqê de ne û em qehremantiya zarokên Efrînê di rizgarkirina bajarê Tebqayê ji çeteyên DAIŞ`ê ji xwe bîr nakin.ʺ

Abdulkerîm tekez kir ku di rojên pêş de, wê stranê li studoya bajarê Qamişlo bi hevkariya Tevgera Çand û Hunerê ya Cizîrê re, were qeydkirin.

Gotinên stranê ji aliyê helbestvana ji pêkhateya Turkmen Zehra Urdn ve hatiye nivîsandin û wê hunermend Şadî El-Zubeydî jî stranê bêje.

(kc)

ANHA