Cenazeyê şehîd Azad ber bi Tebqayê ve hate oxirkirin

Şêniyên bajarê Hesekê cenazeyê şervanên YPG`ê Azad ê ku di Pêngava Bagera Cizîrê de şehîd bûbû li bajarê Tebqayê bi merasîmekê ber bi Tebqayê ve oxir kirin.

31 adar, 2018 09:50

HESEKÊ – Meclîsa Malbatên Şehîdan ji bo oxirkirina cenazeyê şervanê YPG`ê Ednan El-Ehmed (Azad) ber bi Tebqayê ve, merasîmek li navenda xwe lidar xist.

Merasîm bi rêzgirtin destpê kir. Paşê, bi navê Meclîsa Malbatên Şehîdan Ezîza Ebdulrehman axivî û sersaxî ji malbata şehîd re xwest û wiha got "Em sersaxiyê ji malbata şehîd re dixwazin. Şehîdan ji bo parastina axa xwe, canê xwe feda kirin. Em soz didin ku em ê heta dawiyê tekoşîna xwe bilind em ê heta dilopa xwîna xwe ya dawî li ber xwe bidin."

Ji aliyê xwe ve, ji fermandarên YPG`ê Birûsk Hesekê axivî û di kesayeta şehîd Azad de hemû şehîd bi bîr anîn û da zanîn ku şehîd li hemberî zulm û zordariyê heta dawiyê têkoşîn kirin.

Paşê, wesîqeta şehadetê ji aliyê Endama Meclîsa Malbatên Şehîdan Rojda Ehmed ve hate xwendin û radestî malbata şehîd hate kirin.

Paşê cenazeyê şehîd Azad, ber bi bajarê wî ve ango Tebqayê hate oxirkirin.

(bx/kc)

ANHA