Zanîngeha Kobaniyê bi îmzekirina peymanên hevkariyê gera ewropayê bi dawî kir

Şandeya zanîngehê, ku ji endamê Rêveberiya Zanîngehê Şervan Muslim û endamê Nivîsgeha Têkiliyên Giştî Dr. Eşref Mehmûd pêk dihat, di 25ê Gulanê de li ser vexwendina Zanîngeha Szczecinê ber bi Polonyayê ve çû da ku beşdarî 8`emîn Konferansa Navneteweyî ya Hesabdarî, Karsazî, Aborî û Siyasetê bibe. 

endamê Nivîsgeha Têkiliyên Giştî Dr. Eşref Mehmûd  diyar kir ku gera wan di çarçoeya stratejiya Zanîngeha Kobaniyê de ji bo berfirehkirina tora têkiliyên xwe yên akademîk, xurtkirina hebûna xwe di civaka zanistî de û vekirina rêyên hevkariya navneteweyî di perwerdehiya bilind, lêkolînên zanistî û danûstandina akademîk de pêk hat.

Her wiha diyar kir ku şande beşdarî 8`emîn Konferansa Navneteweyî ya Hesabdarî, Karsazî, Aborî û Siyasetê li Szczecin, Polonya bû, ku çalakiyek du rojî bû. Şande di komîteya amadekar de xebitî, ku nîqaş li ser perspektîfên hevkariya akademîk, tevlêkirina zimanê Kurdî di nav derdorên akademîk de û berfirehkirina hevkariyên zanistî di navbera Zanîngeha Kobaniyê û zanîngehên Ewropî de bûn. Şande di dawiya konferansê de hat xelatkirin.

Mehmûd diyar kir ku, piştî dirêjkirina demamayîna wan, şandeyê vexwendinek wergirt ku beşdarî sempozyûmek navneteweyî ya ku ji hêla Zanîngeha Turin, Îtalyayê ve bi navê "Sûriye: Ber bi ku ve?" hatî organîzekirin bibe. Komek akademîsyen û lêkolînerên bijartî ji welatên cuda beşdar bûn. beşdara li ser veguherînên siyasî, civakî û aborî yên li Sûriyeyê, û her weha perspektîfên qonaxa din a entegrasyona saziyan, rewşa ewlehiyê û entegrasyona Yekîneyên Parastina Jin (YPJ) di nav Artêşa Sûriyeyê de nîqaş kirin.

Mehmûd da zanîn ku Şervan Muslim di sempozyûmê de semînerke bi navê "Entegrasyona Akademîk û Ezmûna Saziyên Xwendina Bilind li Bakur û Rojhilatê Sûriyeyê" pêşkêş kir, ku tê de wî ezmûna Zanîngeha Kobanê û nêrîna wê ya ji bo pêşxistina xwendina bilind nirxand.

Mehmûd destnîşan kir ku şandeyê rêze hevdîtin bi akademîsyen û lêkolînerên Kurd ên li Almanya re lidar xistine, rewşa xwendina bilind li Bakur û Rojhilatê Sûriyeyê, mekanîzmayên pêşxistina rêbazan û beşên akademîk û awayên piştgiriya zanîngehê nîqaş kirine. Mehmûd da zanîn ku beşdaran nîşan dane ku ew amade ne pisporiya xwe ya zanistî veguhezînin Zanîngeha Kobaniyê û ezmûnên xwe yên li zanîngehên Alman veguhezînin Zanîngeha Kobanê û beşdarî pêşxistina pêvajoya perwerde û lêkolînê bibin.

Di çarçoveya gerê de, şandeyê serdana çend zanîngehên Ewropayê li Polonya, Almanya û Belçîkayê kir, di nav de zanîngehên li Frankfurt û Essen, Zanîngeha Szczecin, Zanîngeha Brukselê û Zanîngeha Leuven. Gotûbêj li ser perspektîfên hevkariyê di lêkolînên zanistî, danûstandina akademîk û pêşxistina pisporiyê de û her weha derfetên siberojê ji bo danûstandina xwendekaran hatin gotûbêjkirin. Şandeyê her wiha serdana Dibistana Zimanê Kurdî li Luksemburgê kir da ku rêyên peydakirina piştgiriya akademîk ji bo wê binirxîne.

Mehmûd diyar kir ku gera wan gelek encamên girîng bi dest xistiye, ya herî girîng îmzekirina peymana hevkariya akademîk bi Zanîngeha Jagiellonian re li Krakow, Polonya, ku yek ji zanîngehên herî kevin û bi prestîj ên Ewropayê ye. Ev peyman armanc dike ku hevkariya di lêkolînên zanistî, danûstandina pisporiyê û pêkanîna bername û çalakiyên akademîk ên hevbeş de zêde bike.

Her wiha şandeyê bi Zanîngeha Maria Curie-Skłodowska ya li Lublin, Polonya re peymanek hevkariyê îmze kir da ku hevkariya di lêkolînên zanistî, danûstandina akademîk û projeyên hevbeş de pêş bixe û piştgiriya perwerdehiya bilind bike û pêşxistina zimanê Kurdî bibe.

Li Almanya, Zanîngeha Kobanê bi Navenda Lêkolînên Kurdî ya li Bochumê re peymanek hevkariya akademîk û lêkolînê îmze kir.

Mehmûd bi di dawiyê de diyar kir ku gera Ewropî ji bo xurtkirina beşdariya zanîngeha Konbanê  ya akademîk a navneteweyî qonaxek girîng bû. Her wha diyar kir ku peyman û civînên ku di dema serdanê de hatine lidarxistin dê bandorek erênî li ser kalîteya perwerde û lêkolînên zanistî bikin û di warên hevkariya akademîk û danûstandinê de ji bo xwendekar û endamên fakulteyê derfetên berfirehtir peyda bikin.

(k)

ANHA