YAT’ê 9 şevanên xwe bibîr anîn
Fermandariya Giştî ya Yekîneyên Dijî Terorê (YAT), 9 şervanên xwe yên ku di 16’ê Adara 2023’an de di encama ketina helîkopterê de dema ku derbasî bajarê Silêmaniyê yê Başûrê Kurdistanê bûn şehîd bûn, bi bîr anî.
Fermandariya Giştî ya Yekîneyên Dijî Terorê bi boneya salvegera duyemîn ya şehîdbûna 9 şervan xwe daxuyaniyek da.
Di daxuyaniyê de hat destnîşankirin ku şervanên wan "Şervan Kobanî, Dedar Dêrik, Feraşîn Baran, Harûn Rojava, Dogan Efrîn, Hoger Dêrik, Koçer Dêrik, Rûceng Rifat û Xebat Dirbesiyê, di hemû qonaxên têkoşîna li Bakur û Rojhilatê Sûriyê de beşeke bingehîn a têkoşîna mezin a hêzên me bûn. "
Di daxuyaniyê de her wiha hat gotin "Tevî ku 2 sal di ser şehadeta 9 hevalên me re derbas bûne jî. Bîranîna wan dê di dil û mejiyê me de bimîne. regezên wan ên têkoşîna li dijî teror û dagirkeriyê û keda wan a ji bo aramî û pêşkeftinê dê jib o me bibe egera ku em li ser vê rêyê berdewam bin. "
Berdewamiya daxuyaniyê de wiha hate gotin: "Em ji bo gelê xwe û hemû cîhanê tekez dikin ku Yekîneyên Antî Teror (YAT) dê li ser rêya şehîdan, destkeftên şoreşê biparêze û li dijî hemû hewlên dagîrkerî û terorê rêkoşna xwe berdewam bike".
Yekîneyên Dijî Terorê di dawiya daxuyaniya xwe de soz da şehîdan û got "Em ê her tim hêz û karîna xwe ya şerkerî û parastinê pêş bixin û ji bo bidestxistina hêviyên wan û xeyalên wan em ê her dem li ser şopa wan bimeşin û destkeftiyên şoreşê biparêzin. "
(k)
