Xelkê Tebqayê şehîdên Akademiya Têkoşîna Dijî Madeyên Hişbirê bi bîr anîn

Xelkê Tebqayê şehîdên Akademiya Têkoşîna Dijî Madeyên Hişbirê yên di bombebarana dewleta Tirk a dagirker şehîd bûbûn de bi bîr anîn û got ew ê heta pêkanîna serkeftin û azadiya fîzîkî ya Rêber Abdullah Ocalan têkoşînê dewam bikin.

ROJANE

16 mijdar, 2023 19:19

TEBQA

Nivîsgeha Têkoşîna Dijî Madeyên Hişbirê li Bakur û Rojhilatê Sûriyeyê bi hevkariay Komîteya Çand û Hunerê ya Tebqayê merasîma bîranîna 29 şehîdên Akademiya Têkoşîna Dijî Madeyên Hişbirê li hola navenda çandê ya Tebqayê li dar xist.

Di merasîmê de malbatên şehîdan, nûnerên Rêveberiya Sivîl a Demokratîk a Tebqayê, meclisên leşkerî, partiyên siyasî, tevgerên jinan, ciwan, rûspî û şêxên eşîrên herêmê beşdar bûn.

Di merasîmê de hevserokê Meclisa Malbatên Şehîdan a Bakur û Rojhilatê Sûriyeyê Rêzan Gulo axivî û wiha got: "Em bejna xwe li hember fedakariyên şehîdên di oxira pêkanîna ewlehî û îstîqrara herêmê de ditewînin."

Gulo soza şopandina rêça şehîdan heta pêkanîna serkeftinê û parastina destkeftiyên şehîdan da.

Di merasîmê de Komîteya Çand û Hunerê şanoyek der barê berxwedana QSD′ê, fedakariyên wan de pêşkêş kir, her wiha helbestvan Ferhad Merdê helbest der barê şehîdan de xwend.

Merasîm bi xwendina wesîqeyên şehîdan bi dawî bû.

(fr)

ANHA