Xelkê Reqayê sersaxî da malbata şehîd Mûsa El Hemadê

Xelkê kantona Reqa sersaxî da malbata şervanê Hêzên Erka Xweparastinê şehîd Mûsa Mihemed El Hemadê û soza şopandina rêça şehîdan da.

ROJANE

9 mijdar, 2024 16:43

REQA

Xelkê kantona Reqa, endamên Meclisa Giştî û Kombûna Jinan a Zenûbiya, Partiya Yekitiya Demokratîk (PYD), Meclisa Rêveber, Meclisa Kar û Barên Olî, Tevgera Ciwanên Şoreşger, Meclisa Leşkerî ya Reqa berê xwe da konê sersaxiyê ya li bajarê Reqayê hatiye vedan û sersaxî da malbata şehîd Mûsa Mihemed El Hemadê.

Mûsa Mihemed El Hemadê di dema li ser erka xwe bû di 5ˋê Mijdarê de li Eyn Îsayê şehîd bû.

Di merasîmê de endama Komîteya Lihevanînê Kerem El Hemad sersaxî da malbata şehîd û got: "Şehîd Mûsa ne şehîdê yekemîn ne jî yê dawî ye. Em hemû projeyên şehadetê ne."

Hevseroka Meclisa Şehîd Ehmed El Şaban, Zehra Şilaş sersaxî da malbata şehîd û got: "Dema mirov tiştê herî giranbiha di oxira welat de dide, di duyayê de digihîne astên bilind."

Fermandarê Hêzên Erka Xweparastinê Ehmed Îbrahîm jî got: "Em soz didin malbata şehîd em ê li ser şopa şehîd bin."

Di dawiyê de wesîqeya şehîd hat xwendin û radestî malbatê hat kirin.

(fr)

ANHA