Xelkê Minbicê şehîd Kerîm Îbrahîm oxir kir

Bi sedan xelkê Kantona Minbicê cenazeyê şervanê Hêzên Ceyş El Siwar Kerîm Mihemed Îbrahîm li goristana şehîdên Minbicê veşart.

Di merasîmê de endamê Meclisa Malbatên Şehîdan Ela Cuma El Elî axivî û got: "Ji vî cihî pîroz em şehîdê xwe tev li karwana şehîdên di oxira vî welatî de canê xw daye, dikin. Em hêza xwe ji van şehîdan û fedakariyên wan werdigirin. Em ê dîwarê welatê xwe ava bikin, ew meşaleya şoreşa gelên azad in."

Endamê Nivîsgeha Siyasî ya Hêzên Ceyş El Siwar Ebdulqadir El Hisên rola lehengane ku şehîd Kerîm Îbrahîm lîstiye silav dikin û got şehîd li dijî tevahî şêweyên desthilatiyê bû sembola şoreşgerî.

Hevseroka Meclisa Qanûnsaz a Kantona Minbicê Sîham Hemo axivî û wiha got: "Bajarê Minbicê bajarê berxwedanê ye. Hemû pêkhateyên wê di oxira bajarê di ewlehiyê de bijî fedakarî kir."

Sîham wiha dawî li gotina xwe anî: "Em soza xwe nû dikin ku em ê li ser rêça şehîdan bin û dê heta pêkanîna projeya neteweya demokratîk têkoşînê dewam bikin û destkeftiyên şehîdan biparêzin."

Di dawiyê de endamê Meclisa Malbatên Şehîdan Huzeyfe Ebdo wesîqeya şehîd xwend û radestî malbatê kir.

(fr)

ANHA