Xelkê Helebê şehîd Mezlûm Osman oxir kir

Xelkê Helebê cenazeyê şervanê QSDˊê, şehîd Qehreman (Mezlûm Welîd Osman) oxir kir û got ew ê rêça şehîdan bişopînin û tola wan hildin.

ROJANE

3 hezîran, 2024 21:15

HELEB

Xelkê taxên Şêxmeqsûd û Eşrefiyê berê xwe da goristana şehîdan a li herêma Şiqeyêf a taxa Şêxmeqsûdê û şervanê QSDˊê Qehreman ê ku di 1ˊê Hezîranê li Hesekê de dema li ser erka xwe şehîd bû, spart axê.

Di merasîmê de endamê Meclisa Leşkerî ya Helebê Hemze Heleb axivî û got: "Dema Kurd hewl didin gavekê ber bi serkeftinê ve biavêjin dijmin êrişan pêk tîne û gefan dixwe. Hilbijartinên Rêveberiya Xweser ragihandine li ser bingeha demokrasiyê ne û li Sûriyeyê hîna nebûne. Dewleta Tirk bi armanca têkbirina hilbijartinan êrişî herêmê dike."

Endama Meclisa Malbatên Şehîdan Valatîna Ebdo axivî û got: "Şehîd heta dawiyê di oxira azadiya gelê xwe de tê dikoşin. Ji lew re divê em bi rêya nirx û rêgezên şerê gel ê şoreşgerî xwe bi rêxistin bikin, da ku hêviyên şehîdan pêk bînin."

Xizma şehîd Qehreman, Ayşe Hiso soza şopandina rêşa şehîd û tolhildanê da.

Merasîm bi xwendina wesîqeya şehîd û radestkirina ji malbatê re bi dawî bû.

(fr)

ANHA