Washingtonê bidawîbûna TPS ji bo Sûriyeyiyan ragihand û xwest derkevin

Washingtonê bidawîbûna Statuya Parastina Demkî (TPS) ji bo Sûriyeyiyan ragihand û ji kesên ku di bin sîgorteyê de ne û statuyeke din a qanûnî nîn in xwest ku ji DYA’yê derkevin.

15 tebax, 2026 17:33

NAVENDA NÛÇEYAN

Wezareta Ewlekariya Navxweyî ya Dewletên Yekbûyî ya Amerîkayê (DYA) ragihand ku biryara bidawîkirina Statuya Parastina Demkî (TPS) ji bo Sûriyeyiyan ketiye meriyetê, bang li sûdmendên ku statuyeke din a qanûnî nîn in kir ku ji DYA’yê derkevin û hişyariya dersînorkirinê da.

Wezaretê di postek li ser platforma X’ê de diyar kir ku Sûriye niha di nav welatên ku TPS ji welatiyên wan re hatiye bidawîkirin de ye, digel Haîtî, Yemen, Afganistan, Kamerûn, Nepal, Honduras, Nîkaragua, Venezuela, Sûdana Başûr, Myanmar û Somal.

Xizmetên Hemwelatîbûn û Koçberiyê yên Amerîkayê (USCIS) berê bidawîbûna destnîşankirina Sûriyeyê di bin bernameya Statuya Parastina Demkî de ji 27’ê Tîrmeha 2026’an pê ve ragihandibû û anîbû ziman ku destûrên xebatê yên ku bi taybetî di bin bernameyê de hatine dayîn êdî derbasdar nîn in.

Cihbicîkirina biryarê piştî biryara Dadgeha Bilind a Amerîkayê ya di Hezîrana borî de tê, ku rê da rêveberiya Serok Donald Trump piştî ku dadgeheke federal biryar demkî rawestandibû, dawî li parastinê bîne.

(f)