TEV-ÇAND û Hîlala Zêrîn: Em piştgirî didin Diyar Dêrsim

Der barê êrişên provokasyon û reşkirinê yên hin alî li dijî gelê Kurd û hunermendan dimeşînin bi taybet di vê dawiyê de li dijî hunermend Diyar Dêrsim tên meşandin de Tevgera Çand û Hunera Demokratîk a Mezopotamiya (TEV-ÇAND) û Tevgera Çand û Hunera Jin a Hîlala Zêrîn daxuyaniyek nivîskî parve kir.

Berfirehiya daxuyaniyê wiha ye:

"Îro yeketiya gelê Kurd xwe derxistiye radeya herî jor û bilind. Di Demeke wisa de gelek êrişên derveyî exlaqê civaka gelê Kurd tên meşandin. Êrişên Ku xizmetê ji şerê taybet re dikin, provokasyon û reşkirinê ku di nav gelê me de perçekirinê çêdikin tên jiyankirin. Em baş dizanin ev êriş û provokasyon ji hin navendan ve tên meşandin. Hunera Kurd û hunemendên Kurdistanê nirxên herî girîng ku em biparêzin. Ev destkeftiyên herî bi nirix ji bo hebûn û azadiya gelê Kurd xwe gihandiye ancamên herî bedew, çê û baş. Her wiha di çaxekî wisa de, ku gelê Kurd hewceyê yekîtî, hevgirtin û parastina destkeftiyên xwe yên çandî û neteweyî ne, di rojên dawî de me şahidiya navendek rêxistinkirî û sîstematîk kir ku hunermendê hêja Diyar Dêrsim hedef digire.

Ev êriş veguheriye reşkirin û êrişên rêxistinkirî li ser medyaya civakî û kesayetên neteweyî û çandî hedef tê girtin. Em, weke Tev-Çand Rojava û Tevgera Hîlala Zêrîn, van êrişan xeternak dibînin. Ev ji rexne û ramanê derbasî asta rûreşkirin, tawanbarkirina xiyanetê û pirsîna dîroka hunermendekî ku jiyana xwe ji bo huner, çand û xizmetkirina armancên gelê xwe xerç kiriye bûye. Ew tiştên ku îro diqewimin ne tenê hedefgirtina kesayetî ya Diyar Dêrsim e. Lê di heman demê de dîrokeke dirêj a têkoşîna çandî û hunerî ye ku parastina nasnameya çanda Kurdî ji helandin û qirkirinê kiriye, dike.

Ev kesên ku îro hewl didin û îdîa dikin ku xwe wekî parêzvanên welatparêzî nîşan bidin û yên ku lez dikin ku sûcdariyan li dijî Diyar Dêrsim dikin, bi zanebûn dîroka wî ya navdar paşguh dikin. Diyar Dêrsim hunermendekî heta dawiyê welatparêz û xwedî nirxên Kurd û Kurdistanî ye. Pêwîstiya Diyar Dêrsim nine ku xwe di vê mijarê de bi hin kes û derdoran re îsbat bike.

Em bi awayekî tund hewlên bikaranîna çîrokên derewîn û şaş ên ku armanc dikin nav û dengê hunermendê hêja Diyar Dêrsim xirab bikin, red dikin. Her wiha em hemû şêweyên teşwîqkirinê yên ku dixwazin di navbera gelê Kurd de nakokî û parçebûnê biçînin û raya giştî bi şerên derdorî yên ku xizmeta dijminên çand, huner û doza demokratîk dikin, red dikin. Ji ber ku alên me tev pîrozin û sembola qurbanî, nirx û kedkariyên herî berfereh û mezin in.

Em hevgirtina xwe ya tevahî bi hunermendê rêzdar Diyar Dêrsim re piştrast dikin û piştgiriya xwe ji bo wî di rûbirûbûna navendên reşkirinê yên ku wî hedef digirin de diyar dikin. Her wiha em bang li hemû rewşenbîr, hunermend û endamên civaka xwe dikin ku bi berpirsiyarî û bi hişmendî tevbigerin. Nekevin nav navendên teşwîqkirinên xapînok ku tenê xizmetê ji bo çandina parçebûn û qelskirina tevna çandî û civakî dikin. Rêz û hurmet ji çanda azad û hunera berxwedanê re."

(fr)