Li Dêrazorê têkildarî avakirina siberojeke demokratîk panel

Partiya Yekitiya Demokratîk (PYD) li hola Meclisa Rêveber a kantona Dêrazorê paneleke diyalogê li dar xist. Di panelê de geşedanên siyasî yên li Sûriyeyê û pêvajoya veguhastinê ya ku Sûriye tê re derbas dibe, hatin nîqaşkirin.

Di panelê de pirsên der barê pêşeroja Sûriyeyê nexasim piştî hilweşîna saziyên hikumetê wekî parlamento, xizmetên giştî û birêvebirina karûbarên welatiyan de hatin kirin û bersivandin.

Di panelê de endamê Nivîsgeha Têkiliyên Giştî ya PYD’ê ya Bakur û Rojhilatê Sûriyeyê Silêman Ereb axivî û nîqaşên li ser pirsên der barê asta alîgiriya gelê Sûriyeyê ji bo komên îslamî de kirin û hişyarî da ku hin ji wan koman nexasim Heyet Tehrîr El Şam (HTŞ) rihetiya gel a piştî ketina rejîmê ji bo xwe bi kar bînin.

Ereb got: “HTŞ’ê piştî ku hin deveran kontrol kirin, hikumeteke demkî û komîteyên girêdayî xwe ava kirin."

Ereb anî ziman ku pêwîst e bi dûrketina ji şerekî nû ya nexweyî heye û teqezî bi rola aştiyane ya Rêveberiya Xweser di beşdarbûna avakirina Sûriyeyeke nû û çaksazkirinê de heye.

Di dawiya axaftina xwe de Ereb bang li tevahî aliyan kir ku hewldanên xwe bikin yek û hevkariyê xurt bikin da ku pêşî li astengiyên li hemberî îstîqrar û geşkirina welat disekinin, bigirin.

(fr)

ANHA