Şêniyên Amûdê sersaxî da malbata şehîd Rêzan Orkêş

Şêniyên bajarê Amûdê û gundewarê wî, endamên saziyên sivîl û leşkerî berê xwe da konê sersaxiyê yê şervanê Hêzên Sûriya Demokratîk (QSD) Rêzan Orkêş (Mihemed Hesen) û sersaxî da malbata wî.

Şehîd Rêzan di 18'ê Sibatê de, di êrişa balafireke bêmirov a dewleta Tirk a dagirker a li dijî erebeya wî li bajarê Dêr Hafirê yê rojhilatê bajarê Helebê şehîd bû.

Di merasîma sersaxiyê de fermandarê Meclisa Leşkerî ya Amûdê Mihemed Seîd Ferso tevahî şehîd bi bîr anîn û got: "Şehîd Rêzan navên apên xwe yên şehîdên Hêzên Parastina Gel (HPG) hilgirtibû. Em jî deyndarê şehîdên xwe û hêzên xwe ne, ku xaka me ji êrişên dagirkeriya Tirk diparêzin."

Rêvebera Kongra Star Zozan Hesen jî diyar kir ku dewleta Tirk a dagirker nikare îradeya gel têk bibe û soza şopandina rêya şehîdan heta pêkanîna serkeftinê dubare kir.

Rêveberê rêxistina Partiya Yekitiya Demokratîk (PYD) Fuad Diqorî got: "Em hêza xwe ji zarokên xwe yên şervanên QSD'ê werdigirin."

Li ser navê malbata şehîd Rêzan, pismamê wî Ebdulselam Mihemed Elî bi peyamekê soza şopandina rêya şehîd Rêzan da.

Pitşre endamê Yekitiya Rewşenbîran Beşîr Mela Newaf û helbestvan Ebdulqadir Kurdo helbestên li ser şehîdan, lehengî û berxwedana wan xwendin.

Di dawiya merasîmê de wesîqeya şehadetê ya şehîd hat xwendin û ji bo malbata wî hat radestkirin.

Malbata fermandar Rêzan Orkêş di oxira azadî û parastina xakê de heta niha 24 şehîd dane.

(mh/fr)

ANHA