Şêxên eşîran: Rêber Ocalan hemû pêkhateyan tîne gel hev

Şandeya hevbeş a Desteya Rûspiyan a Bakur û Rojhilatê Sûriyeyê û Komîteya Însiyatîfa Azadiya Rêber Abdullah Ocalan gera xwe ya li gundewarê Til Hemîsê didomîne. Şandeyê sardana nûnerên eşîrên Şerabîn, Benî Seba, El Tey, Hoza El Tifêhîn kir û nameya Rêber Abdullah Ocalan radestî wan kirin.

Şandeya ev sê roj sardana eşîrên Ereban dike, ji Hevserokê Însiyatîfa Azadiya Rêber Abdullah Ocalan Mihemed Niêmî, endamê Meclisa Til hemîs Mihemed El Şemerî, endamên Desteya Rûspiyan Fûad Paşa û Hember Hesen, endamê Kongreya Îslama Demokratîk Mela Umer El Hemîd, şêwirmendên Rêveberiya Xweseriya Demokratîk a Kantona Cizîrê Şehnaz Şerîf û  Kawa Qehreman, endamê Komîteya Têkiliyên Diplomatîk Hikmet Hebîbû seroka Desteya Jinan a Kantona Cizîrê Rohat Xelîl, endamê Însiyatîfa Sûriyeyê ya ji bo azadiya Rêber Ebdullah Ocalan Ferzende Munzir, endama Koordînasiyona Kongra Star Gulistan Gulo, Hevseroka Tevgera Civaka Demokratîk Remziya Mihemed, endamê insyatîfê Yûsif Mele, cîgirê Kongreya Îslama Demokratîk Mazin Harûnî, endamê Partiya Yekitiya Demokratîk (PYD) Talat Yûnis û endamên Desteya Rûspiyan a Bakur û Rojhilatê Sûriyeyê Hesen Ferhan û Hisên Ezam pêk tê.

Endamên şandeyê destnîşan kir ku wan rêze serdan di çarçoveya pêşxistina dan û standinên civakî û avakirina pirên baweriyê de di navbera hemû pêkhateyan de bi rê ve birine.

Şêxên eşîran piştgiriya xwe bi Rêveberiya Xweser re anîn ziman û destnîşan kirin ku aramî û ewlekariya herêmê bêyî QSD`ê û projeya demokratîk a li Bakur û Rojhilatê Sûriyeyê ne pêkane.

Ji Eşîreya Tey piştî wergirtina nameya Rêber Abdullah Ocalan, Şêx Xernûbî El Nayîf û Şêx Newaf Ferhan destnîşan kirin ku ji bo azadiya gelên bindest divê azadiya Rêber Abdullah Ocalan pêk were.

Ji eşîra El Tifêhîn, Şêx Tefîf El Helûş jî der barê mijarê de wiha axivî: "Rêveberiya Xweseriya Demokratîk xwe dispêre xwişk û biratiya gelan. Dewleta Tirk jî dixwaze şoreşa gel veguhezîne nakokiyên di navbera Kurd û Ereban de. "

Berdevkê Eşîra El Tifêhîn Seyîd Elî El Hefel jî li ser mijarê ev tişt anî ziman: "Projeya neteweya demokratîk jêdera bingehîn a yekitiya pêkhateyan e. Em bi Rêber Abdullah Ocalan bawer dikin, ew sembola bîrdozî û civakî ye ku Kurd, Ereb û hemû pêkhateyan dighîne hev. "

Ji rûspiyên eşîra Şerabîn ê herêma başûr El Red a Til Hemîse Şêx Hamid El Hemze El Cuma jî da zanîn ku ew bi hemû hêza xwe piştgiriya banga Rêber Abdullah Ocalan dikin û got: "Li beramberî rewşa ewlekarî û siyasî pêdiviî bi yekitiya hemû pêkhateyan heye.

Serokê Meclisa Eşîra Tey Hesen Ferhan diyar kir ku nameya Rêber Ebdullah Ocalan gelek wateyê wê hene bi taybet di vê dema ku hin alî dixwazin fitneyê di navbera pêkhateyan de derxînin. Lewma ev nameyek mirovahî ye û hezkirin û aştiyê pêşkêş dike.

Qebîleya El Herb ku eşîra herî mezin a qebîleya Tey a Ereb e ji eşîrên, El Raşid, Cewale, Benî Seba, El Herîs, El Essaf, Herb, Mişarfe, Maamra, El Bû Salim, El Xename û Ziyabat pêk tê.

(ac/şx)

ANHA