Şêwekar bîranîna sedsaliya Qamişloyê di tabloyên xwe de dineqişînin

Bi boneya sedsaliya bajarê Qamişlo yê herêma Cizîrê, Yekîtiya Şêwekaran li Cizîrê û Komîna Şêwekariyê di 15`ê Tebaxê de di bin dirûşma “Bi hev re em bi rihê huner û berxwedanê siberoja bajarê xwe xêz bikin” dest bi komexbateke hunerî kir. Ev komxebat heta 20`ê Tebaxê roja salvegera 100`emîn a bajarê Qamişlo didome.

15 şêwekariyên jin û mêr beşdarî komxebatê bûn, her yek ji wan li gorî lênêrandina xwe tabloyên xwe xêz dikin, bi xebatê xwe dîroka bajêr belge dikin, bîranînên bajêr di navbera dema borî û ya niha de vediguherînin xebateke hunerî.

Têkildarî birêxistinkirina çalakiyê, Hevseroka Komîna Şêwekariyê Solîn Osê ji ajansa me re axivî û sedsaliya damezrandina bajarê Qamişlo pîroz kir.

Solîn Osê got: “Me xwest bi rêya tablo û rengan, pê re hestên xwe dîrokê bînin bîrê, her şêwekarek wê bi rêbazê xwe yê taybet tabloya xwe xêz bike. Bi rengan resenî û bîra bajêr bide nasîn, wê tabloyên xwe li gorî dîrok, floklor û çanda gelê wê saz bike.”

HER TABLOYEK WÊ GIYANÊ BAJÊR Û RENGÎNIYA WÊ DERXÎNE HOLÊ

Şêwekarê bi navê Welîd Murad wiha got: “Em îro beşdarî komxebatê bûne, em ê bi rêya tabloyên xwe mohrên xweşik ên her kesê ku li bajêr jiyan kirine bi bîr bînin. Ez wêneyê helbestvanê Kurdistanî Cegerxwîn ê ku xwedî mohreke mezin li Qamişloyê dineqişînim.”

Şêwekar Rojîn Ehmed jî ku wêneyê jineke bi cil û bergên Kurdî dineqişîne, bi taybet cil û bergên jinên Qamişloyê got: “Qamişlo bi pirrengiya xwe ya çandî û pêkhateyên xwe yên ji hev cuda tê naskirin, ew bi cil û bergên xwe yên Kurdî û hurgiliyên xwe yên ciyawaz tê naskirin.”

Li gorî agahiyan dê berhemên komxebatê di pêşangeheke hunerî di rojên pîrozbahiya sedsaliya bajarê Qamişlo ya ku dê 20`ê Tebaxê pêk were, bê lidarxistin.

(sb)

ANHA