Şervanê Hêzên Komandos şehîd Mahir Ebdullah hat oxirkirin
Xelkê bajarê Hesekê yê kantona Cizîrê cenazeyê şervanê Hêzên Komandos şehîd Mahir Ebdullah oxir kir û soza şopandina rêça wî da.
Xelkê bajarê Hesekê yê kantona Cizîrê cenazeyê şervanê Hêzên Komandos şehîd Mahir Ebdullah (Welat Parêz) li Goristana Şehîd Dijwar a li gundê Dawûdiyê oxir kir. şehîd Welat Parêz di 2ˊyê Tîrmehê de dema li ser erka xwe ya li bajarokê Til Temirê bû şehîd bû.
Di merasîmê de endama Meclisa Malbatên Şehîdan Rewan Şêxo sersaxî da malbata şehîd û soza şopandina rêça şehîdan da.
Yek ji fermandarên Meclisa Leşkerî ya Hesekê Dêrsim Hesekê axivî û got: "Em îro bi serbilindî û îsrar li pêş yek ji şehîdên xwe yên leheng disekinin. Şehîd bi lehengî û zêdetirî 12 salan parastina xaka xwe kir."
Di dawiyê de wesîqeya şehîd hat xwendin û radestî malbatê hat kirin.
(fr)
ANHA
