Li Şehbayê merasîma xiyabî ya şehîd Şerzan Gabar

Meclisa Malbatên Şehîdan a kantona Efrîn û Şehba ji bo  gerîlayê HPG'ê şehîd Şerzan Gabar (Elaa Ûrfalî) merasîma xiyabî li dar xist.

Şehîd Şerzan Gabar (Elaa Ûrfalî) ji Kobanê ye. Şehîd Şerzan di nava Şoreşa Rojava de cih digirt û di 2016ˊan de tev li gerîlayan bû. Şerzan Gabar di  9'ê Hezîrana 2024'an de li Herêmên Parastinê yên Medyayê digihêje asta şehadetê.

Ji bo şehîd Şerzan Gabar li kampa Berxwedan a bajarokê Fafîn bi beşdariya bi dehan ji koçberên Efrînê û şêniyên Şehbayê merasîma xiyabî hate lidarxistin.

Di merasîme de endamê Meclisa Malbatên Şehîdan a kantona Efrîn û Şehbayê Hesen Beko axivî û sersaxî da malbata şehîd û tevahî gelê Kurd û Kurdistanê û di şexsê şehîd Şerzan de tevahî şehîdên meha Tîrmehê û şehîd Çekdar bi bîr anîn.

Hesen diyar kir ku gerîla li çiyayên Kurdistanê li hember hemû çekên û teknolojiya şer a dagirkeriyê li ber xwe dide û got: "Dewleta Tirk tu carî nikare gerîla tune bike. Gelo te nikarî Berxwedana 14ˊê Tîrmehê bişikanda, tu yê çawa berxwedana gerîla bişikînî?T Gerîla bi ruhê 14'ê Tîrmehê li ber xwe dide. Gelê Efrîn, Şehba û tevahî Kurdistanê li ser şopa Berxwedana 14ˊê Tîrmehê ne û tu carî dev ji têkoşîna xwe bernadin.",

Her wiha endama Kongra Star a kantona Efrîn û Şehba Gulê Mihemed axivî û sersaxî ji tevahî gelê Kurd re xwest û wiha got: "Tu carî dewleta Tirk nikare gerîla tune bike. Bila PDK'ê jî êdî dev ji xiyaneta xwe berde. Êdî bes e ji PDK'ê re. "

Di dawiyê de wesîqeya şehîd hat xwendin û radestî malbatê hat kirin.