Şervana YPJˈê Avaşîn bi girseyî hat oxirkirin

Xelkê Qamişloyê cenazeyê şehîd Avaşîn Rûstem Cûdî bi merasîmekê li Pakrewangeha Şehîd Delîl Saruxan spart axê.

ROJANE

22 kanûn, 2024 14:20

QAMIŞLO

Şervana Yekîneyên Parastina Gel (YPJ) Avaşîn Rusem Cûdî (Irûba Elî El Kino) ya ku 19ˈê kanûnê di berxwedana li Bendava Tişrînê de şehîd bûbû, îro bi beşdarbûna xelkê bajar û gundewarê Qamişloyê li Pakrewangeha Şehîd Delîl Saruxan hat oxirkirin.

Di merasîma oxirkirinê de, endama Meeclisa Malbatên Şehîdan Cewahir Osman sersaxî ji malbata şehîd re xwest û got: " Malbata şehîd Irûba serî ji komployên dijmin û pêkanênên dagirkerên ku dixwazin di kesayeta jin de gelan kole bikin re netewand. Di 14 salên dawîn de me gelek astengî derbas kirin. Em li hemberî dewleta Tirk, çeteyên û DAIŞˈê yên ku hewl didin xaka me dagir bikin sekinîn û disekinin. Berxwedana şervanên me tevahî komployên dijmin têk birin."

Bi navê hêzên leşkerî Agirî Qamişlo jî axivî û diyar kir ku dê şopdarên xeta şehîdan bin.

Piştî axaftinan, wesîqeya şehîd Avaşîn hat xwendin û pêşkêşî malbata wê hat kirin.

Di dawiya merasîmê de cenazeyê şehîd bi dirûşmên "Şehîd namirin" û tilîliyan spart axê.

(bb)

ANHA