Şêniyên Reqayê sersaxî da malbata şehîd Mihemed Mustefa Moh

Şêniyên kantona Reqayê sersaxî da malbata şervanê Hêzên Komandos ên QSD'ê şehîd Mihemed Mustefa Moh û soza şopandina rêya şehîdan da.

ROJANE

16 cotmeh, 2024 16:38

REQA

Bi dehan şêniyên kantona Reqayê, endamên meclisên xwecih, saziyên sivîl û leşkerî, Kongreya Îslama Demokratîk û Meclisa Malbatên Şehîdan ji bo sersaxiya malbata şervanê Hêzên Komandos şehîd Mihemed Mustefa Moh berê xwe da konê sersaxiyê. Konê sersaxiyê li pêşiya mala şehîd li taxa Sêfedolê ya bajarê Reqayê hat vegirtin.

Şehîd Mihemed Mustefa Moh di 13'ê vê Cotmehê de di dema pêkanîna erkê xwe de li kantona Minbicê şehîd bû.

Di serî de hevserokê Desteya Çandê û Şûnwaran a kantonê Hesen Mustefa sersaxî da malbata şehîd û got: "Şehîd nemir in, namirin."

Hevserokê Meclisa Malbata Şehîdan Îbrahîm El Hemûd jî sersaxî da malbata şehîd û soza şopandina rêya şehîdan nû kir.

Her wiha wesîqeya şehadetê ya şehîd hat xwendin û ji bo malbata wî hat radestkirin.

Hêjatî bibîrxistinê ye ku şênî dê heta êvarê berê xwe bidin konê sersaxiyê.

(mh)

ANHA