Şêniyên Kobanê: Yên ku îradeya me nas nekin em jî wan nas nakin

Şêniyên Kobanê bi dirûşma “Yên ku îradeya me nas nakin, em jî wan nas nakin” çalakiyekî protestoyek li dar xist.

ROJANE

10 adar, 2026 13:56

KOBANÊ

Şêniyên bajarê Kobanê bi çalakiyeke protestokirinê bi dirûşma “Yên ku îradeya me nas nakin, em jî wan nas nakin” li Qada Jina Azad li dar xistin.

Çalakiyê bi rêzgirtinê dest pê kir. Dûre li ser navê gelê bajarê Kobanê, hevserokê Meclisa Bajarê Kobanê Gêlo Hisên axivî û wiha got: “Em tayînkirin kesekî ji pêkhateyên derveyî Kobanê qebûl nakin. Em dixwazin kesên ku ji bo bajarê Kobanê werin tayînkirin ji pêkhatiyên Kobanê bin. Kesekî ku cihê xwe di berxwedan û têkoşîna Kobanê de girtibe. Em tayînkirina Birahîm Mislim ku hikumeta demkî ya Sûriyeyê ew ji bo rêveberiya Kobanê diyar kiriye, şermezar dikin.”

Gêlo Hisên wiha lê zêde kir: “Em ê bi îradeya xwe ji şehîdên xwe bigirin û em tu carî vê yekê qebûl nakin. Em ê bi hêz û berxwedana xwe parastina destkeftiyên xwe bikin û wê tayînkirina ji bo rêveberiya Kobanê yek ji pêkhateyên Kobanê be.”

Çalakî bi dirûşmên “Bijî berxwedana Kobanê” bi dawî bû.

(sş)