Şêniyên kantona Cizîrê sersaxî da malbata şehîd Bêrîvan Kutlu

Şêniyên kantona Cizîrê serdaxî da malbata çalakvana siyasî şehîd Bêrîvan Kutlu û soza domandina têkoşînê û şopandina rêya şehîdan dubare kir.

ROJANE

19 mijdar, 2025 16:28

QAMIŞLO

Bi sedan şêniyên bajarên Girkê Legê, Dêrik, Çilaxa û Til Koçer ên kantona Cizîrê berê xwe da konê sersaxiyê yê çalakvana siyasî şehîd Bêrîvan Kutlu ku li bajarê Girkê Legê hatiye danîn û sersaxî da malbata wê.

Bêrîvan Kutlu di 17'ê Mijdara 2025'an de ji ber nexweşiya giran gihaşt şehadetê û li dû xwe mîraseke dirêj a têkoşîn û xebata ji bo azadî û demokrasiyê hişt.

Di serî de rêveberê Meclisa Malbatên Şehîdan a kantonê Mihemed Cemîl got şehîd Bêrîvan xwedî îrade û lehengî bû û têkoşîna wê dê di bîra şêniyên herêmê de zindî bimîne.

Rêvebera Kongra Star a Bakur û Rojhilatê Sûriyeyê Reyhan Temo diyar kir ku şehîd Bêrîvan nimûneya lehengî û berxwedêriya li hemberî zehmetiyan bû.

Endama Hêzên Parastina Cewherî (HPC) Narîşan Berekat jî got mîrasa têkoşînê ya şehîd Bêrîvan bûye jêdera îlhamê ji bo gel û soza şopandina rêya wê dubare kir.

(mh/fr)

ANHA